Aktual mövzular: Dollar alış-satışı , Hava haqqında, Məzənnə, Neftin qiyməti

Səfər Əbiyevin müavini: "Onların bu işdə marağı olsaydı...."

Səfər Əbiyevin müavini: "Onların bu işdə marağı olsaydı...."

Date: 18 December 2015 13:39

Bu gün Bakı Ağır Cinayətlər Məhkəməsində sabiq müdafiə naziri Səfər Əbiyevin müavini olmuş Mehman Səlimovun cinayət işi üzrə məhkəmə prosesi davam edib.

Lent.az-ın məlumatına görə, hakim Zeynal Ağayevin sədrliyi ilə keçirilən prosesdə şahid qismində olan iki nəfər yenə məhkəmə prosesində iştirak etməyib. Onlar Naxçıvanda olduğundan, məhkəmə prosesində iştirak etməyib. Hakim bildirib ki, həmin şəxslər məhkəməyə məktub göndərək bildiriblər ki, onların istintaqa verdikləri ifadələr qəbul olunaraq, elan edilsin.

Mehman Səlimov da, müdafiəçisi Ağaveys Şahverdi də həmin şəxslərin məhkəməyə gəlməsini tələb ediblər və onların ifadələrinin elan olunmasına etiraz ediblər.

Mehman Səlimov çıxış edib. O, çıxışında həmin şahidlərin ittiham tərəfinin şahidləri olduğunu üçün məhkəməyə gəlmələrini tələb edib: “ Əvvəlki proseslərdə Müdafiə Nazirliyin polkovniki nümayəndə kimi gəlirdi. Daha gəlmir. Onların bu işdə heç bir marağı yoxdur. Maraqları olsaydı, burda olardılar. Obyektlər hamısı təhvil verilib. Buna görə də gəlmirlər”.

Məhkəmə prosesi dekabrın 25-i davam edib.

 

Qeyd edək ki, ittihama əsasən, Mehman Səlimov tamah məqsədi ilə qulluq səlahiyyətlərindən istifadə edib. O, təsis etdiyi bina, yaşayış evlərinin, qurğuların tikintisi və sair işlər həyata keçirən “STŞ” MMC-nin rəhbəri olaraq Müdafiə Nazirliyinin müxtəlif obyektlərində aparılacaq əsaslı təmir-tikinti və rekonstruksiya işləri ilə əlaqədar Müdafiə Nazirliyi ilə müqavilə bağlayıb.

Nazirliyin onun “Texnikabank”da olan hesabına köçürülmüş külli miqdarda pul vəsaitinin xərclənmə təyinatını qəsdən saxtalaşdıraraq qəbul aktlarına yalan məlumatlar daxil edib, imzalamaqla 714555 manat pulu öz xeyrinə istifadə edib.

Hərbi şəhərcikdə tikintisi aparılacaq 3 mərtəbəli yaşayış binasının və 800 nəfərlik yeməkxana binasının layihə-smeta sənədlərinin hazırlanmasına 23 min 600 manat nəzərdə tutulduğu halda, görülmüş işlərin qəbul aktlarında həmin məbləği 93 min manat göstərməklə 69 min 400 manat, habelə hərbi şəhərcikdə su anbarı, nasosxana binasının tikintisi və avadanlıqlarının quraşdırılması eskiz və işçi layihəsi sənədlərinin hazırlanmasına ümumilikdə 8 min manat vəsait nəzərdə tutulduğu və ödənildiyi halda təqsirləndirilən şəxs həmin məbləği 40 min manat göstərməklə 32 min manat və bu kimi digər qanunsuz hərəkətləri ilə ümumilikdə 1milyon 205 min 265 manat məbləğində ona etibar edilmiş pul vəsaitlərini mənimsəmə yolu ilə talayıb.

Bundan əlavə, Mehman Səlimov MMC-nin rəhbəri qismində vergi uçotunda duran şəxs kimi görülmüş işlərə və göstərilmiş xidmətlərə görə 95 min 889 manat məbləğində külli miqdarda vergiləri ödəməkdən yayınıb.

Onu da qeyd edək ki, Mehman Səlimovun işdən çıxarılmasının səbəbi kimi onun Baş Qərargah rəisi Nəcməddin Sadıqova qarşı mətbuatda səsləndirdiyi ittihamlar göstərilir. M.Səlimov 1999-cu ildə mətbuata verdiyi açıqlamalarda Nəcməddin Sadıqovun ünvanına kəskin ittihamlar səsləndirib. O, baş qərargah rəisinin müdafiə naziri olmaq üçün səylər göstərdiyini, faktiki olaraq həmin vaxt müdafiə naziri olan Səfər Əbiyevə qarşı iş apardığını bildirib. Bu açıqlamalardan sonra Mehman Səlimov tutduğu vəzifədən azad edilib.


Tags:  Səfər Əbiyevin müavini Onların bu işdə marağı olsaydı

RƏYLƏR


Top news