Aktual mövzular: Dollar alış-satışı , Hava, Məzənnə, Neftin qiyməti

NATO-da Azərbaycanın Fərdi Tərəfdaşlıq üzrə Əməliyyat Planını Qiymətləndirmə sənədinin müzakirəsi olub

NATO-da Azərbaycanın Fərdi Tərəfdaşlıq üzrə Əməliyyat Planını Qiymətləndirmə sənədinin müzakirəsi olub

PAP və FTƏP üzrə NATO-nun ekspertlər qrupu ilə işçi görüşü keçirilib (13 Mart 2017 18:07)
"Mən NATO-nun fanatıyam" (19 Fevral 2017 10:48)
"Mən NATO-nun fanatıyam" (19 Fevral 2017 09:47)

Tarix: 18 Dekabr 2015 14:48


Brüssel, 18 dekabr, AZƏRTAC
NATO-nun Brüsseldəki mənzil-qərargahında Azərbaycan Respublikasının 2015-ci il Fərdi Tərəfdaşlıq üzrə Əməliyyat Planının Qiymətləndirmə sənədinin müzakirəsi keçirilib.
“28+1” formatında keçirilmiş müzakirələrdə Azərbaycandan Xarici İşlər, Müdafiə, Fövqəladə Hallar nazirliklərinin, Daxili İşlər Nazirliyi Daxili Qoşunlarının, Dövlət Sərhəd və Dövlət Təhlükəsizlik xidmətlərinin nümayəndələri iştirak ediblər.
Müzakirələr zamanı NATO-ya üzv ölkələrin nümayəndələri Azərbaycanın sadiq və etibarlı tərəfdaş olduğunu bildiriblər. Ölkəmizin NATO-nun cari gündəliyində duran çoxşaxəli məsələlər, o cümlədən Qətiyyətli Dəstək Missiyası, Etimad fondları, Müdafiə Təhsilinin Gücləndirilməsi Proqramı, mülki fövqəladə planlaşdırma, meydana gələn təhlükəsizlik çağırışları və s. üzrə fəal əməkdaşlığı və töhfəsi yüksək dəyərləndirilib.
Görüşdə, həmçinin Azərbaycanda təhlükəsizlik sektorunun islahatı, qüvvələrin NATO ilə qarşılıqlı operativ uzlaşması, regionda təhlükəsizlik məsələləri, o cümlədən Ermənistan-Azərbaycan münaqişəsi üzrə fikir mübadiləsi aparılıb.
Azərbaycan ilə NATO arasında bu kimi məsləhətləşmələr müntəzəm olaraq keçirilir. Azərbaycan hazırda 2015-2016-cı illəri əhatə edən Fərdi Tərəfdaşlıq üzrə Əməliyyat Planının dördüncü mərhələsini həyata keçirir.
Vüqar Seyidov
AZƏRTAC-ın xüsusi müxbiri
Brüssel

Teqlər:  NATO-da Azərbaycanın Fərdi Tərəfdaşlıq üzrə Əməliyyat Planını Qiymətləndirmə sənədinin müzakirəsi olub



RƏYLƏR


Top xəbərlər