Aktual mövzular: Dollar alış-satışı , Hava, Məzənnə, Neftin qiyməti

Tacikistan Prezidentinə “Millətin Lideri” statusunun verilməsinə dair layihə parlamentin yuxarı palatasında təsdiq edilib

Tacikistan Prezidentinə “Millətin Lideri” statusunun verilməsinə dair layihə parlamentin yuxarı palatasında təsdiq edilib

Avstraliya-Azərbaycan parlamentlərarası Dostluq Qrupunun yeni tərkibi təsdiq edilib (13 Mart 2017 16:27)
Kim Çen Namın kimyəvi qazdan öldüyü təsdiq edilib (26 Fevral 2017 04:47)
Marixuananın becərilməsinə icazə verildi - Niderlandda (22 Fevral 2017 01:18)

Tarix: 18 Dekabr 2015 15:03


Düşənbə, 18 dekabr, AZƏRTAC 
Tacikistan parlamentinin yuxarı palatası - Məclisi Milli dövlət başçısı Emoməli Rəhmona “Sülhün və milli bərabərliyin banisi - Millətin Lideri” statusunun verilməsi ilə bağlı qanun layihəsini təsdiq edib. Bu ayın əvvəlində parlamentin aşağı palatası da layihəni bəyənmişdi.
Senator Məhəmmədyusuf İmomzod bildirib ki, ölkəyə 23 ildir rəhbərlik edən Emoməli Rəhmonun xalq qarşısında xidmətləri böyükdür. O, ölkədə gedən vətəndaş müharibəsini dayandırıb, əmin-amanlıq bərpa edilib, xalq sülh şəraitində yaşamağa başlayıb. Millətin Liderinin ordeni və dövlət mükafatı da təsis ediləcək.
Qanun layihəsində bildirilir ki, prezidentlik müddəti başa çatdıqdan sonra Millətin Liderinə və onun qohumlarına toxunulmazlıq hüququ və yüksək təqaüd verilir, o, şəxsi nəqliyyat və yaşayış sahəsi ilə, digər sosial güzəştlərlə təmin olunur, bütün xərcləri dövlət büdcəsindən ödənilir.
Millətin Liderinin muzeyinin, kitabxanasının və arxivinin də yaradılmasının nəzərdə tutulduğu qanun layihəsi Prezident tərəfindən imzalandıqdan sonra qüvvəyə minəcək.

Qulu Kəngərli
AZƏRTAC-ın xüsusi müxbiri
Düşənbə

Teqlər:  Tacikistan Prezidentinə Millətin Lideri statusunun verilməsinə layihə parlamentin yuxarı palatasında təsdiq edilib



RƏYLƏR


Top xəbərlər