Aktual mövzular: Dollar alış-satışı , Hava, Məzənnə, Neftin qiyməti

Merkelin fikrincə, Böyük Britaniya Aİ üçün hələ itirilməyib

Merkelin fikrincə, Böyük Britaniya Aİ üçün hələ itirilməyib

Merkelin Rusiyaya səfər tarixi AÇIQLANDI (16 Mart 2017 20:05)
Böyük Britaniya xarici işlər nazirinin müavini Azərbaycanda səfərdədir (06 Mart 2017 11:57)
Ağ Ev Merkelin səfərini təsdiqlədi (04 Mart 2017 08:47)

Tarix: 18 Dekabr 2015 15:38


Berlin, 18 dekabr, AZƏRTAC
AFR kansleri Angela Merkel hesab edir ki, Avropa İttifaqında islahatlar məsələsi barədə Britaniyanın baş naziri Devid Kemeronla kompromisə gəlmək mümkündür. A.Merkel bu fikri dekabrın 18-nə keçən gecə Brüsseldə, Aİ sammitinin birinci gününün yekunlarına əsasən söyləyib.
“Xoş məram olsa, burada da müxtəlif istəkləri təmin edə biləcək ortaq məxrəc tapmaq mümkündür”, - deyən kansler əlavə edib ki, 2016-cı ilin fevral ayında nəzərdə tutulan növbəti görüşdə müsbət nəticə alına bilər. Bununla belə, Merkel etiraf edib ki, Londonun tələblərini yerinə yetirmək asan olmayacaq. O daha sonra deyib: “Biz aydın şəkildə bildirdik ki, kompromisə hazırıq. Bu şərtlə ki, baza əhəmiyyətli Avropa prinsiplərinə riayət edilsin, o cümlədən ayrı-seçkilik olmasın, yerdəyişmə azadlığı təmin edilsin”. Merkelin fikrincə, Avropa sazişlərinə dəyişikliklər edilməsi mümkündür, “amma indi yox”.
Britaniyanın baş naziri bildirib ki, Aİ-də islahatlar barədə onun təklifinə dair razılığa doğru aparan “cığır” görünür. Londonun Brüssel ilə danışıqlarının yekunu kimi Birləşmiş Krallıqda Aİ-yə üzvlük məsələsinə dair referendum keçiriləcək.
Vüqar Seyidov
AZƏRTAC-ın xüsusi müxbiri
Berlin

Teqlər:  Merkelin fikrincə Böyük Britaniya hələ itirilməyib



RƏYLƏR


Top xəbərlər