Aktual mövzular: Dollar alış-satışı , Hava, Məzənnə, Neftin qiyməti

Rabitə və yüksək texnologiyalar nazirinin səlahiyyətlərini icra edən Ramin Quluzadə Bakı Telefon Rabitəsi İstehsalat Birliyində müşavirə keçirib

Rabitə və yüksək texnologiyalar nazirinin səlahiyyətlərini icra edən Ramin Quluzadə Bakı Telefon Rabitəsi İstehsalat Birliyində müşavirə keçirib

Bulvarda pulsuz "Wi-Fi" quraşdırıldı (18 Mart 2017 16:16)
Dənizkənarı Milli Park ərazisində "İctimai internet" şəbəkəsi istifadəyə verilib (18 Mart 2017 14:35)
Bakının bu ərazilərində pulsuz internet olacaq - FOTO (18 Mart 2017 14:28)

Tarix: 18 Dekabr 2015 15:38

Bakı. Trend:

“Hazırda Rabitə və Yüksək Texnologiyalar Nazirliyində ciddi islahatlar aparılır. Bu islahatlar nazirlikdə aşkara çıxarılan qüsurlar tam aradan qaldırılanadək davam etdiriləcək”. Bunu yeni təyin olunan rabitə və yüksək texnologiyalar nazirinin birinci müavini, nazir səlahiyyətlərini icra edən Ramin Quluzadə Trend-ə açıqlamasında bildirib.

Qeyd edək ki, Rabitə və Yüksək Texnologiyalar Nazirliyində son vaxtlar aparılan kadr dəyişiklikləri və islahatlar diqqət mərkəzindədir. Baş Prokurorluqda aparılan ilkin istintaq zamanı nazirlikdə rüşvətxorluq, korrupsiya, dövlət əmlakının mənimsənilməsi, vəzifədən sui-istifadə kimi ciddi nöqsanlar, maliyyə yeyintilərinin olduğu üzə çıxarılıb. Nazir Əli Abbasovla yanaşı, nazirliyin bir sıra struktur bölmə rəhbərləri işdən uzaqlaşdırılıblar.

Trend-in məlumatına görə, rabitə və yüksək texnologiyalar nazirinin səlahiyyətlərini icra edən R.Quluzadə bu gün Bakı Telefon Rabitəsi İstehsalat Birliyinin baş ofisində idarənin fəaliyyəti ilə tanış olub və işdəki nöqsanların aradan qaldırılması ilə bağlı müvafiq tapşırıqlar verib.

Ötən gün isə “Azərpoçt” MMC-də nazirlik tərəfindən gözlənilməz reyd keçirilmişdi. Verilən məlumata görə, rabitə və yüksək texnologiyalar nazirinin səlahiyyətlərini icra edən R.Quluzadə qurumun fəaliyyətini yoxlamaq məqsədilə heç bir xəbər vermədən iş saatında “Azərpoçt”a baş çəkib və yerində bir sıra məsələlər üzrə yoxlamalar aparılmışdı.

Trend-ə açıqlamasında R.Quluzadə hazırda nazirlikdə bütün sahələr üzrə ciddi araşdırmalar aparıldığını deyib: “Nazirlikdə yeni struktur dəyişiklikləri edilir. Aparılan islahatlar nəticəsində qeyri-peşəkarlar və nöqsanlara yol verənlər işindən uzaqlaşdırılacaq və yeni kadrlarla əvəz olunacaq. Hazırda yeni struktur dəyişiklikləri ilə bağlı nazirliyin bölmələrinə müvafiq tapşırıqlar verilib. Rabitə və Yüksək Texnologiyalar Nazirliyinin hər bir əməkdaşı ölkə vətəndaşlarına və Azərbaycan Respublikasının Prezidentinə xidmət etməlidir”.

Bizi Twitter-dən izləyin: @trend_az


Teqlər:  Rabitə yüksək texnologiyalar nazirinin səlahiyyətlərini icra edən Ramin Quluzadə Bakı Telefon Rabitəsi İstehsalat Birliyində müşavirə keçirib



RƏYLƏR


Top xəbərlər