Aktual mövzular: Dollar alış-satışı , Hava haqqında, Məzənnə, Neftin qiyməti

Xəzərə yolumuzu bağlayanlar cəzalanacaqlar - 50 min manat

Xəzərə yolumuzu bağlayanlar cəzalanacaqlar - 50 min manat

Date: 18 December 2015 16:57

Azərbaycanda dəniz sahilinə yolu kəsənlər ciddi cəzalanacaq.

Trend-in məlumatına görə, bu məsələ Milli Məclisin bu gün keçirilən plenar iclasında İnzibati Xətalar Məcəlləsinə edilən dəyişikliklərdə öz əksini tapıb.

Dəyişikliyə əsasən, dövlətin iqtisadi və ya təhlükəsizlik mənafelərinin təmin edilməsi ilə əlaqədar olaraq, müvafiq icra hakimiyyəti orqanının qərarı olmadan torpaq sahəsində dəniz sahilinə gediş-gəlişin məhdudlaşdırılmasına görə fiziki şəxslər 4 min, vəzifəli şəxslər 8 min, hüquqi şəxslər isə 40 min manat miqdarında cərimə olunacaqlar.

Eyni zamanda xətaların il ərzində inzibati tənbeh alan şəxs tərəfindən təkrar törədilməsinə görə fiziki şəxslər 5 min, vəzifəli şəxslər 10 min, hüquqi şəxslər isə 50 min manat miqdarında cərimə olunacaq.

Qeyd edək ki, hazırkı İnzibati Xətalar Məcəlləsində yuxarıda qeyd olunan xətalara görə maksimum cərimə 250 manatdır.

Dəyişikliklər səsə qoyularaq qəbul olunub.

Milli.Az


Tags:  Xəzərə yolumuzu bağlayanlar cəzalanacaqlar 50 min manat


RƏYLƏR


Top news