Aktual mövzular: Dollar alış-satışı , Hava haqqında, Məzənnə, Neftin qiyməti

"Zaferoğlu İnşaat" ittihamlara cavab verdi

"Zaferoğlu İnşaat" ittihamlara cavab verdi

Date: 18 December 2015 18:16

Ölkəmizi beynəlxalq aləmdə təmsil edən şirkətlərdən biri "Zaferoğlu İnşaat" son vaxtlar mediada barələrində yayılan yalan, həqiqətə uyğun olmayan məlumatlara aydınlıq gətirib.

Şirkətin baş direktoru Zəfər Məmmədovun ANS PRESS-ə verdiyi açıqlamaya görə onların gördüyü işləri gözü götürməyən bəzi şəxslər sifarişli şəkildə mətbuatda yazılar dərc etdirir. Məqsəd isə şirkətin həm ölkə həm, də beynəlxalq aləmdəki nüfuzuna xələl gətirməkdir.

"Siz bilirsiniz ki, bizim şirkət reallaşdırdığı təmir-dizayn memarlıq işlərinə görə Londonda ,Dubayda, Amerikada beynəlxalq mükafatlar qazanıb. Amma indi kimlərsə bu işlərə kölgə salmaq üçün şirkətin adını çirkin işlərdə hallandırır.Bizə qarşı əsassız ittihamlar irəli sürürlər. Mənbəyi bəlli olmayan bəzi saytlar, reket jurnalistlər belə məqalələr yazmaqla pul tələb etməyə çalışırlar. Özü də əllərində heç bir sübut, dəlil olmadan. Çox təəsüf ki bu cür məlumatlar digər media orqanları tərəfindən də paylaşılır.Bu isə öz növbəsində mənzilini, təmir dizaynını bizə etibar edən müştərimizlərin şirkətə güvənini sarsıdır"-deyə Zəfər Məmmədov əlavə etdi.


Zəfər Məmmədov-"Zaferoğlu İnşaat" şirkətinin baş direktoru


Zəfər Məmmədov onları şər atan şəxsləri və media orqanlarını yaxın günlərdə məhkəməyə verəcəyini bildirdi. Şirkət rəsmiləri məsələ ilə bağlı Baş prokurluğa da müraciət edəcək.


Zaferoğlu İnşaat"-ın layihəsi


2010-cu ildə təsis olunan "Zaferoğlu İnşaat"-ın əsas fəaliyyət istiqaməti təmir, tikinti və dizayn işləridir. Şirkət yarandıqdan indiyədək çox sayda müxtəlif istiqamətli təmir dizayn işlərinin sifarişini qəbul etmiş , işləri uğurla sona çatdırmış və dərin müştəri məmnuniyyəti ilə sahiblərinə təhvil vermişdir. Daim inkişafda olan şirkət paytaxt Bakı ilə yanaşı regionlarda da fəaliyyətini həyata keçirməklə məşğuldur.

Tags:  Zaferoğlu İnşaat ittihamlara cavab verdi


RƏYLƏR


Top news