"Çovdarov dedi ki, elə eləmə səni jurnalist Elmarın, Ziya Bünyadovun, Rail Rzayevin yanına göndərək"

"Çovdarov dedi ki, elə eləmə səni jurnalist Elmarın, Ziya Bünyadovun, Rail Rzayevin yanına göndərək"
20:52 18 Dekabr 2015
45 Digər
Ölkə mətbuatı
A- A+

Azərbaycan Beynəlxalq Universitetinin (ABU) sabiq rektoru, hazırda Fransada mühacirətdə yaşayan Elşad Abdullayev ölkə rəhbərliyi, Dövlət Təhlükəsizlik Xidmətinin rəisi Mədət Quliyev və KİV-lərə yeni müraciət ünvanlayıb.

Milli.Az-ın məlumatına görə, müraciətin bir nüsxəsini də "Yeni Müsavat"a göndərən E.Abdullayev müraciətində Akif Çovdarovun gizli həbsxanası barədə ilginc təfərrüatları yazıb. Bundan başqa, sabiq rektor milli təhlükəsizlik naziri Eldar Mahmudovla görüşü barəsində də bu günə qədər açıqlamadığı detallardan bəhs edib.

Keçmiş ABU rektorunun iddiasına görə, MTN-in Energetika və Nəqliyyat Sahələrində Təhlükəsizlik Baş İdarəsinin sabiq rəisi, hazırda həbsdə olan general-mayor Akif Çovdarovun onun qardaşı Mahir Abdullayevə 300 min dollar borcu olub. E.Abdullayev yazıb ki, Akif Çovdarovun cinayət ortağı Qulu Cəfərov bunu Mahir Abdullayevə oktyabr, 2001-ci il tarixdə verdiyi yazılı izahatında da öz imzası, eləcə də barmaq izi ilə təsdiq edib.

E.Abdullayev yazır ki, bu əlyazmanı qardaşı itkin düşəndən sonra onun iş otağındakı qara rəngli əl diplomatından götürüb. Bundan sonra Qulu Cəfərovla görüşməyə çalışıb:

"Sonradan bizə məlum oldu ki, o, Akif Çovdarovun şəxsi həbsxanasında işləyir. Qulu Cəfərov bizimlə görüşməkdən qaçırdı. Ancaq eşidəndəki Mahir onunla bir yerdə çox vaxt keçirib, onu axtarmağa başladım. Nəhayət, 2009-cu ildə Qulu Cəfərovu lX mikrorayonda yerləşən və yaxın qohumu Akif Çovdarovla bir mərtəbədə, qapı-bir qonşu kimi yaşadığı evin girəcəyində yaxaladım. Onun imzası ilə yazılmış Mahir Abdullayevə 300 min dollar borcu olması haqqında izahatı Qulu Cəfərova təqdim etdim və ondan Mahirə olan borcunu tələb etdim. O, gözlənilməz görüşdən az qala huşunu itirirdi, and-aman etdi ki, pullar Akif Çovdarovdadır, ondan ala bilərsiniz, mən Akif Çovdarovun taxta-şalban ofisində işləyirəm, mənə çörək pulu verir. Düzdür, pul mənim imzamla alınıb, ancaq Mahir pulu Akif Çovdarova verib. Mənə Akif Çovdarovun mobil telefonunu verdi və dedi ki, sabah zəng et görüş, o da mən deyənləri deyəcək".

Elşad Abdullayevin yazdığına görə, Qulu Cəfərovla bu görüşdən 1 gün sonra qara maskalılar onu saxlayaraq, Akif Çovdarovun gizli həbsxanasına aparıblar. Sabiq rektor bu hadisəni belə təsvir edir:

"Səhərisi günü səhər saat 7-8 radələrində idmana gedəndə evimin qabağında təcili tibb yardım maşınından düşən silahlı qara maskalılar məni zorla maşına saldılar. Qara maskalılardan MTN polkovniki Rəsul Rəsulov, Yaşar Lətifov (soyadını ola bilər ki, səhv salıram), indi həbsdə olan Teymur Quliyev üzlərini açmışdılar. Araz Laçınlı, polkovnik Fikrət Əliyev və general Elçin Quliyevi, Sənan İbrahimovu və Qulu Cəfərovu isə üzlərini açmasalar da, səslərindən və yerişlərindən tanıdım. Məni MTN-in arxa qapısına gətirdilər, lakin ora çatmamış Akif Çovdarovun tapşırığı ilə Masazırdakı şəxsi həbsxanasına apardılar. Bu zaman Elçin Quliyev, Fikrət Əliyev, Araz Laçınlı və Teymur Quliyev MTN-in arxa qapısından içəri girdilər. Rəsul Rəsulov qara maskalı təcili tibbi yardım maşınının sürücüsünə bildirdi ki, "siz professoru Masazır Universitetinə aparın". Yəni Akif Çovdarovun şəxsi həbsxanasına. Bütün günü məni Akif Çovdarovun Masazır həbsxanasında ac-susuz saxladılar, qonşu otaqda elektroşokla 2 nəfərə huşu itənə qədər işgəncə verirdilər, onların ah-naləsinə, yalvarışlarına səs verən yox idi. Təsəvvür edin, Azərbaycan Milli Elmlər Akademiyasında 10 ildən çox baş elmi işçi vəzifəsində çalışmışam, 30 il Bakı Dövlət Universitetinin Hüquq fakültəsində elmi-pedaqoji stajım var, ABU-da rektor işləyirəm, Prezidentin yanında AAK-in Hüquq Ekspert Şurasının sədri vəzifəsində çalışmışam, birdən-birə elə gözlənilməz situasiyaya düşdüm ki, məqam axtarırdım ki, oradan necə qaçım".

"MƏN SAXLANAN OTAQDA QAN İZLƏRİ VAR İDİ..."

Elşad Abdullayevin yazdığına görə, günün sonuna yaxın Akif Çovdarov onun saxlandığı otağa gəlib. Bu onların ilk canlı görüşü olub:

"Akif Çovdarov məni Azərbaycan Beynəlxalq Universitetindəki "qanun pozuntuları" ilə təhdid etməyə başladı. O, məni MTN-in Təhsil Nazirliyindəki "Qara qutusu" İlyar Vahabovun yoxlama protokolları, "Təzadlar" qəzetinin baş redaktoru Asif Mərzilinin yazdığı yazılarla gecə saat 2-yə qədər təhdid etdi. Məni qorxu və təəccüb bürümüşdü. Akif Çovdarovun şəxsi həbsxanasında hamı qara maskalı və silahlı idi. O, başa düşəndə ki, artıq mən çəkinirəm, ondan sonra Qulu Cəfərovun Mahir Abdullayevə borclu olması haqqında məsələyə keçdi. Bu zaman əlində avtomat qara maskada Qulu Cəfərov və mənə özünü MTN polkovniki kimi təqdim edən Sənan İbrahimov (MTN-in müavini Hilal Əsədovun qohumu) da otağa daxil oldular. Mən saxlanan otaqda çoxlu qan izləri var idi. Qulu və Sənan üzlərini açmadan tam silahlı vəziyyətdə heç nə danışmadan Akif Çovdarovun komandasını gözləyirdilər. MTN generalı Elçin Quliyev maşından düşəndə bildirdi ki, "Elşad müəllim mənim MTN Akademiyasında müəllimim olub, yaxşı deyil, gəlin mənim otağımda dindirək...""

"ÇOVDAROV DEYİRDİ Kİ, EYNULLA FƏTULLAYEVİ ÖLDÜRMƏMƏYİMİ ÖZÜMƏ BAĞIŞLAMIRAM"

E.Abdullayev daha sonra A.Çovdarovla arasındakı dialoqun ilginc detallarını açıqlayıb. Keçmiş rektor daha sonra yazır ki, Akif Çovdarov Mahir Abdullayevi tanımadığını, onunla heç bir alış-verişinin olmadığını deyib:

"Dedi ki, "nə mən, nə də qohumum Qulu Cəfərov Mahiri tanımırıq, bizim ona heç bir borcumuz yoxdur". Xəbərdarlıq etdi ki, "bir də bu söhbətin üstünə qayıtma. Varsa da, bizim Mahirə olan borcumuzu bağışlayırsan. Bir də bu söhbətin üstünə qayıtma elə etmə ki, səni göndərək Mahirin, jurnalist Elmarın, akademik Ziya Bünyadovun, Rail Rzayevin yanına... Jurnalist Rafiq Tağını necə xəstəxanada qətlə yetirdilər, jurnalist Eynulla Fətullayevin başına gətirdiyi müsibətlərdən elə bil qəhrəmanlıq edibmiş kimi məni təhdid etdi. Xüsusən də jurnalist Eynulla Fətullayevdən çox yanıqlı olduğu üçün özündən asılı olmayaraq ondan yanıqlı danışırdı. O bildirirdi ki, "bir məsələni özümə bağışlaya bilmirəm. Jurnalist Eynulla Fətullayevi əlimdə imkan var idi, öldürmədim. Onsuz da, onu da Elmar Hüseynovun və Rafiq Tağının yanına göndərəcəm... Ona qarşı cox kinli-küdurətli idi. O, məqam axtarırdı ki, Eynulla Fətullayevlə də hesablaşsın...İnanın, adam MTN generalı deyil, bir KQB cəlladı və manyakı idi, nə danışdığının fərqində deyildi. "Başa düşmürsənsə, bir də başa salaq" deyərək tükürpədci qətllər seriyasından təhdid dolu xəbərdarlıq edirdi. Nə isə, fikirləşirdim ki, necə qurtulum bu faşistlərin əlindən, mənim üçün olduqca ağır və gözlənilməz situasiyaydı. Akif Çovdarovun əmrilə qara "Lexus Jeep" maşında bir qara maskalı heç bir şey danışmadan məni şəhərin mərkəzindəki evimə gətirdi".

"QORXDUĞUMDAN ƏMİN OLUB MƏNİ BURAXDILAR..."

Sabiq rektor yazıb ki, bu hadisədən 3 gün sonra onu MTN-ə çağırıblar. Burada onun nazir Eldar Mahmudovla da görüşü olub:

"MTN nazirinin köməkçisi - əmisi oğlu Vüqar Mahmudov səhər saat 9-da mənim mobil telefonuma zəng edib bildirdi ki, sizi MTN-in Baş İstintaq İdarəsinin rəisi Şıxəliyev Mövlan gözləyir. MTN nazirinin qəbul otağına gəldim, oradan da MTN Baş İstintaq İdarəsinin rəisi Mövlan Şıxəliyevin otağına getdik. Məni Mövlan Şıxəliyev və müstəntiq Novruz Məmmədov birlikdə qəbul etdilər. Onlar mənə Mahirin oğurlanmasından suallar verdilər, mən də Akif Çovdarovun söhbətindən sonra heç bir şey danışmadım. Çünki istintaqa qonşu otaqdan Akif Çovdarov və Hilal Əsədov istiqamət verirdilər. Onlar selektor telefon danışıqları ilə məni aşağılayan söyüşlər söyürdülər, bunları açıq-aşkar eşidirdim. Onlar əmin olandan sonra ki, mən Akif Çovdarovun ssenarisi üzrə danışmayacağam, bundan sonra Mövlan Şıxəliyev və müstəntiq Novruz Məmmədovla birlikdə MTN naziri Eldar Mahmudovun iş otağına gəldik. Eldar Mahmudov da məni Mahir Abdullayevin oğurlanması ilə bağlı sorğu-suala tutdu. Qorxduğumdan əmin olduqdan sonra axşam saat 20 radələrində məni MTN-dən buraxdılar. Bir hüquq professoru olaraq, artıq fərqindəydim ki, kimlərlə üzləşmişəm..."

Milli.Az

RƏYLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

Yüksək bal toplayan abituriyentlər niyə ali məktəbə qəbul olmadı? - AÇIQLAMA

17 Avqust 2017 17:54

Sudan prezidenti İlham Əliyevi təbrik etdi

17 Avqust 2017 17:53

FİFA 2017-ci ilin ən yaxşı baş məşqçisi adına namizədləri açıqlayıb

17 Avqust 2017 17:52

Sabaha olan məzənnə

17 Avqust 2017 17:50

MİT PKK-nın Suriya planını pozdu - FOTOLAR

17 Avqust 2017 17:48

Sudanın dövlət başçısı Azərbaycan Prezidentinə təbrik məktubu göndərib

17 Avqust 2017 17:42

"Salam taksi"də fırıldaqçılıq

17 Avqust 2017 17:40

Feysbukdan növbəti YENİLİK – FOTO

17 Avqust 2017 17:38

"Mavi itlər" küçələrə axışdı

17 Avqust 2017 17:38

Çaparlı-Kəndoba-Cəlayir avtomobil yolunun tikintisinə 5,8 milyon manat ayrılıb

17 Avqust 2017 17:37

“ASUS ZenFone 4” və “ZenFone 4 Pro” smartfonları rəsmən təqdim edilib

17 Avqust 2017 17:35

"Həmsədrlər prezidentlərin növbəti görüşünün təşkili üzərində işləyirlər"

17 Avqust 2017 17:34

Azərbaycan Beynəlxalq Bankının restrukturizasiya planını yerli məhkəmə təsdiqləyib

17 Avqust 2017 17:32

Müslüm Maqomayevin xatirəsi yad edilib

17 Avqust 2017 17:32

Quduz it 5 yaşlı körpəni dişləyib öldürdü - AZƏRBAYCANDA DƏHŞƏT

17 Avqust 2017 17:29

Ölülərin fotoşəkillərini evdə saxlamayın, YOXSA ...

17 Avqust 2017 17:28

Mahir Mədətovun atası oğlu ilə aparıcı arasında yayılan xəbərdən danışdı

17 Avqust 2017 17:27

Türkiyəli nazir: "STAR" Türkiyə üçün önəmli layihədir"

17 Avqust 2017 17:27

Rusiya XİN: Həmsədrlər Dağlıq Qarabağ münaqişəsinin nizamlanması üzrə növbəti sammitə hazırlıq üzərində işləyir

17 Avqust 2017 17:27

Sumqayıtda binada yanğın:

17 Avqust 2017 17:23

Sabah Boliviyanın XİN başçısı Azərbaycana gələcək

17 Avqust 2017 17:22

Vladimir Doroxin: "Maqomayev yalnız yaddaşımızda yaşamaq üçün yox, həm də Moskva və Bakı arasında münasibətlər üçün vacibdir"

17 Avqust 2017 17:22

"Qarabağ" iki ən yaxşıdan biri seçildi - RƏQƏMLƏR

17 Avqust 2017 17:19

Manatın sabaha olan MƏZƏNNƏSİ

17 Avqust 2017 17:18

Yəhudilərin gizli türk agenti xərçəngin müalicəsini açıqladı: “Necə sevişirsinizsə...” -MÜSAHİBƏ

17 Avqust 2017 17:18

Dünyada iqtisadi artım son 7 ilin rekordunu yeniləyib

17 Avqust 2017 17:17

UEFA "Kopenhagen" klubunun Maksim Medvedevlə bağlı şikayətini rədd edib

17 Avqust 2017 17:12

Qozlu göbələk dolması

17 Avqust 2017 17:10

Hindistanda DƏHŞƏT: Təcavüzə uğrayan 10 yaşlı qız dayısından uşaq dünyaya gətirdi

17 Avqust 2017 17:08

Ukrayna Sərhəd Xidmətinin sözçüsü: “Mixeil Saakaşvili ölkəyə buraxılmayacaq”

17 Avqust 2017 17:07

Elmar Məmmədyarov: "Güc tətbiq edərək dövlətlərin sərhədlərinin dəyişdirilməsi cəhdləri qəbuledilməzdir"

17 Avqust 2017 17:07

Sumqayıtda bina yandı: sakinlər təxliyyə edildi

17 Avqust 2017 17:04

Biznesmenlə nişanlanan azərbaycanlı müğənnini diri-diri "basdırdılar"– FOTO

17 Avqust 2017 16:58

AÇG layihəsinə bu il 831 mln. dollar xərclənib

17 Avqust 2017 16:57

ABŞ-ın müdafiə naziri Türkiyəyə səfər edəcək

17 Avqust 2017 16:52

Cənubi Qafqaz Boru Kəmərinin genişləndirilməsi işlərinin 96%-i yekunlaşıb

17 Avqust 2017 16:52

Prezidentlərin övladları Azərbaycana gələcək

17 Avqust 2017 16:50

Kürdlər müstəqillik referendumunu təxirə salırlar – ŞƏRTLƏR

17 Avqust 2017 16:48

“Bank VTB (Azerbaijan)” korporativ müştərilərə overdraft xidməti təklif edir

17 Avqust 2017 16:47

FHN əməkdaşları daha bir nəfəri ölümdən xilas etdi

17 Avqust 2017 16:44

İspaniya yığmasının və “Barselona”nın sabiq qapıçısı karyerasını başa vurub

17 Avqust 2017 16:42

Prezidentlərin övladları Azərbaycana gələcək

17 Avqust 2017 16:38

“ASUS” şirkətinin “Windows 10 S” sistemi ilə işləyən ilk noutbuku təqdim edilib

17 Avqust 2017 16:35

ADU-da Polşa Mərkəzi yaradılacaq

17 Avqust 2017 16:32

ABƏŞ SOCAR-a verilən səmt qazının həcmini 37% artırıb

17 Avqust 2017 16:32

Məsciddə dava

17 Avqust 2017 16:30

Əzələ ağrılarının effektli müalicəsi - VİDEO

17 Avqust 2017 16:28

Azərbaycanın intim səhnələrdə rol alan aktirisaları

17 Avqust 2017 16:23

Dünyanın ən yaxşı və ən pis şəhərlərinin siyahısı AÇIQLANDI

17 Avqust 2017 16:18

BAKI: Dönərçi ilə balaca qızın maraqlı söhbəti

17 Avqust 2017 16:18