Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycan vokalisti beynəlxalq müsabiqədə ikinci yeri tutdu

Azərbaycan vokalisti beynəlxalq müsabiqədə ikinci yeri tutdu

Date: 19 December 2015 03:09

Riqada gənc ifaçıların “Riga Symphony-2015” Beynəlxalq mahnı müsabiqəsi keçirilib.

 

Lent.az-ın “azərtac”-a istinadən məlumatına görə, dalbadal dördüncü dəfə keçirilən bu müsabiqədə 35 ölkədən gənc vokalistlər iştirak ediblər.

 

Azərbaycanı mahnı müsabiqəsində Aysel Haqverdiyeva təmsil edib. O, 2012-ci ildə M. və L. Rostropoviçlər adına uşaq musiqi məktəbini bitirib. Hazırda 16 yaşlı vokalist Riqa klassik gimnaziyasının 10-cu sinfində oxuyur.

 

Azərbaycanı layiqincə təmsil edən Aysel Haqverdiyeva müsabiqənin “World Hit” nominasiyasında ikinci yeri tutub.

 

Təşkilatçılar bildiriblər ki, müsabiqə mahnı yaradıcılığını gənclər arasında təbliğ etmək, müxtəlif ölkələr arasında dostluq və yaradıcılıq əlaqələrini möhkəmləndirmək, habelə müxtəlif xalqların gənclərini Latviyanın və ümumiyyətlə Baltik ölkələrinin mədəniyyəti və incəsənəti ilə tanış etmək və onların öz peşəkarlığını və milli mədəniyyətlərinin xüsusiyyətlərini nümayiş etdirməsinə şərait yaratmaq məqsədi daşıyır.





Tags:  Azərbaycan vokalisti beynəlxalq müsabiqədə ikinci yeri tutdu

RƏYLƏR


Top news