ABŞ prezidenti Barak Obama Konqresin 2016-cı il üçün təsdiqlədiyi federal büdcəni imzalayıb.
APA-nın TASS agentliyinə istinadən verdiyi məlumata görə, bu barədə Ağ Evin mətbuat xidməti xəbər verib.
Büdcəyə əsasən xam neft ixracına olan 40 illik qadağa ləğv olunub.
Qeyd edək ki, ABŞ-dan xam neftin xaricə tədarükünə qadağa 1975-ci ildə qoyulmuşdu. Bu hüquqi-normativ akt Yaxın Şərqdə münaqişə nəticəsində yaranmış enerji böhranı dövründə, ərəb ölkələri tərəfindən 1973-cü ildə Qərb ölkələrindən neftin tədarükünə qoyulan embarqodan sonra tətbiq edilmişdi.
