Aktual mövzular: Dollar alış-satışı , Hava haqqında, Məzənnə, Neftin qiyməti

Naxçıvanda da MTN ləğv edildi

Naxçıvanda da MTN ləğv edildi

Date: 19 December 2015 10:31

Naxçıvanda da MTN ləğv edildi. Bu barədə Muxtar Respublikanın Ali Məclisinin sədri Vasif Talıbov fərman imzalayıb.

Fırmana əsasən Naxçıvan Muxtar Respublikası Milli Təhlükəsizlik Nazirliyi əsasında Naxçıvan MR Dövlət Təhlükəsizlik Xidmətinin yaradılıb.

Ali Məclis sədrinin sərəncamı ilə Fazil Ələkbərov Naxçıvan MR Dövlət Təhlükəsizlik Xidmətinin rəisi təyin edilib. O, daha öncə Naxçıvan Muxtar Respublikası Dövlət Miqrasiya Xidmətinin rəisi vəzifəsində çalışıb.

Bundan öncə Naxçıvan MR milli təhlükəsizlik naziri, general-mayor Vəli Ələsgərov olub.

Dekabrın 14-də prezident İlham Əliyev Dövlət Təhlükəsizliyi Xidməti və Xarici Kəşfiyyat Xidmətinin yaradılması haqqında fərman imzalayıb.

Fərman Azərbaycan Respublikasında xüsusi xidmət orqanlarının fəaliyyətinin səmərəliliyini artırmaq və dövlət idarəetmə strukturunu təkmilləşdirmək məqsədi ilə imzalanıb.
Adıçəkilən xidmətlər Milli Təhlükəsizlik Nazirliyinin əsasında yaradılıb.

Mədət Quliyevin Azərbaycan Respublikasının Dövlət Təhlükəsizliyi Xidmətinin rəisi təyin edilib.

M.Quliyev

Prezident İlham Əliyev oktyabrın 17-də Eldar Mahmudovun milli təhlükəsizlik naziri vəzifəsindən azad edilməsi haqqında sərəncam imzalayıb.

Eldar Mahmudov vəzifəsindən azad edildikdən sonra Milli Təhlükəsizlik Nazirliyində həbslər başladı. Xüsusi Dövlət Mühafizə Xidmətinin və Baş Prokurorluğun birgə əməliyyat qrupu MTN-də bir neçə yüksək rütbəli şəxsləri saxlayıb.


Eldar Mahmudov - keçmiş milli təhlükəsizlik naziri

Sabiq MTN şefi hətta xarici kəşfiyyatla əlaqədə də ittiham edilir. Keçmiş təhlükəsizlik nazirinin İsrail kəşfiyyatı ilə şəxsi və təşkilatı vasitələrlə münasibətlər yaratdığı və bu münasibətlərin çox dərin olduğu bildirilir.

Tags:  Naxçıvanda MTN ləğv edildi


RƏYLƏR


Top news