Aktual mövzular: Dollar alış-satışı , Hava haqqında, Məzənnə, Neftin qiyməti

AFFA İcraiyyə Komitəsinin üzvü istintaq təcridxanasına köçürüləcək

AFFA İcraiyyə Komitəsinin üzvü istintaq təcridxanasına köçürüləcək

Date: 19 December 2015 12:12

Barəsində həbs qətimkan tədbiri seçilmiş “Azərbaycan Beynəlxalq Bankı” ASC-nin İdarə Heyətinin sabiq sədri Cahangir Hacıyev bu gün 1 saylı İstintaq Təcridxanasına köçürüləcək. Bu barədə “Report”a C.Hacıyevin vəkili Aqil Layicov məlumat verib.

C.Hacıyev hazırda Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsində (BMCMİ) saxlanılır.
Xatırladaq ki, A.Layicov mətbuata açıqlamasında C.Hacıyevin BMCMİ-də saxlanılmasının qanunsuz olduğunu və bu səbəbdən də məhkəməyə müraciət etdiklərini deyib.

Qeyd edək ki, C.Hacıyev dekabrın 5-də həbs edilib. Onun barəsində Nərimanov Rayon Məhkəməsində 4 ay müddətinə həbs qətimkan tədbiri seçilib. C.Hacıyev Cinayət Məcəlləsinin 179.1 (mənimsəmə və ya israf etmə, yəni təqsirkara etibar edilmiş özgə əmlakını talama) və 308-ci (vəzifə səlahiyyətlərindən sui-istifadə etmə) maddələri ilə ittiham olunur.

Onu da qeyd edək ki, Cahangir Hacıyev AFFA İcraiyyə Komitəsinin üzvü, "İnter" klubunun fəxri prezidentidi.

Fanat.az

Tags:  AFFA İcraiyyə Komitəsinin üzvü istintaq təcridxanasına köçürüləcək


RƏYLƏR


Top news