Dövlət Statistika Komitəsindən (DSK) "Report"a bildirilib ki, bu ilin dekabr ayının 1-nə olan məlumata görə, Azərbaycanda 29 003 nəfər şəxs rəsmi işsiz statusu verilib: "Onların 1 705 nəfəri işsizliyə görə müavinət alır. İşsizliyə görə müavinətin orta məbləği 268,5 manat olub".
Belə ki, paytaxt - Bakı şəhərində 11 992 rəsmi işsiz statusuna malik şəxsdən 669 nəfəri dövlətdən müavinət alır. Gəncə-Qazax iqtisadi rayonu üzrə 1 814 nəfər rəsmi işsiz statusu alan şəxsdən 185-i, Şəki-Zaqatala iqtisadi rayonu üzrə 848 nəfərdən 100-ü, Lənkəran iqtisadi rayonu üzrə isə 855 nəfərdən 46-sı, Quba-Xaçmaz iqtisadi rayonu üzrə 978 nəfərdən 64-ü, Aran iqtisadi rayonu üzrə 7 279 nəfərdən 303-ü, Yuxarı Qarabağ iqtisadi rayonu üzrə1556 nəfərdən 77-si, Kəlbəcər-Laçın iqtisadi rayonu üzrə 1327 nəfərdən 58-i, Dağlıq Şirvan iqtisadi rayonu üzrə 798 nəfər işsizdən 54-ü işsizlik müavinəti alır.
Qeyd edək ki, Azərbaycanda məşğulluq xidməti orqanlarının rəsmi işsiz statusu verdiyi şəxslərin sayı 2015-ci il yanvarın 1-i vəziyyətinə 28,7 min nəfər olub. Onların 1,6 min nəfəri işsizliyə görə müavinət alıblar.
