Aktual mövzular: Dollar alış-satışı , Hava haqqında, Məzənnə, Neftin qiyməti

Murad Hüseynov: "Gülüm soldu... Günəşim qürub etdi..."

Murad Hüseynov: "Gülüm soldu... Günəşim qürub etdi..."

Date: 19 December 2015 13:12

"Gülüm soldu... Günəşim qürub etdi... Allah rəhmət eləsin. Haqqınızı Gülərimə halal edin".

Milli.Az xəbər verir ki, bunu ANS TV-nin xəbərlər xidmətinin baş redaktoru Murad Hüseynov uzun müddətdir xəstəlikdən əziyyət çəkən həyat yoldaşı Gülər Məmmədovanın vəfatından sonra özünün facebook statusunda yazıb.

Redaktor profilinə də vaxtilə həyat yoldaşı ilə birgə çəkilən fotoşəkli qoyub.

Qeyd edək ki, ANS TV-nin xəbərlər xidmətinin baş redaktoru Murad Hüseynovun həyat yoldaşı, qan xərçəngindən əziyyət çəkən jurnalist, Space TV-nin prodüseri Gülər Məmmədova bu gün səhərə yaxın dünyasını dəyişib.

G.Məmmədova doğulduğu Quba rayonu Nərimankənd kənd qəbristanlığında dəfn olunacaq.

Xatırladaq ki, son günlər vəziyyəti ağırlaşan Gülər Məmmədova üç gündü, komada idi və süni nəfəs aparatına qoşulmuşdu. O, Türkiyədə müalicə olunub Azərbaycana qayıtsa da, bir müddət sonra xəstəliyi yenidən güclənmişdi. Gülər bir daha Türkiyəyə qayıtmalı və ağır müalicələr qəbul etməli olmuşdu. Ailə müalicə üçün evlərini satmış və kirayəyə köçmüşdü.

Gülər Məmmədovanın iki azyaşlı övladı (Osman və Ayan) qalıb.

Pünhan Mizrə
Milli.Az


Tags:  Murad Hüseynov Gülüm soldu Günəşim qürub etdi



RƏYLƏR


Top news