Aktual mövzular: Dollar alış-satışı , Hava, Məzənnə, Neftin qiyməti

Şamaxının XVIII-XIX əsrlər ədəbi mühitinə həsr olunmuş “dəyirmi masa”

Şamaxının XVIII-XIX əsrlər ədəbi mühitinə həsr olunmuş “dəyirmi masa”

Moskvada Azərbaycan-Rusiya əlaqələrinin 25 illiyinə həsr olunmuş "dəyirmi masa" keçirilib (21 Fevral 2017 18:12)
Prezidenti Münhendə çıxış etdi (17 Fevral 2017 14:19)
Prezident İlham Əliyev Münxen Təhlükəsizlik Konfransı çərçivəsində keçirilən "dəyirmi masa"da iştirak edib - FOTO (17 Fevral 2017 14:12)

Tarix: 19 Dekabr 2015 20:03


Şamaxı, 19 dekabr, AZƏRTAC
Mədəniyyət və Turizm Nazirliyinin Xalq Yaradıcılığı Paytaxtları proqramına əsasən 2015-ci ildə “Azərbaycanın ədəbiyyat paytaxtı” elan olunan Şamaxı şəhərində silsilə tədbirlər davam edir.
AZƏRTAC xəbər verir ki, bu silsilədən rayon mərkəzi kitabxanasında ziyalıların, fəal oxucuların, ədəbiyyatsevərlərin iştirakı ilə keçirilən “XVIII-XIX əsr Şamaxının ədəbi mühiti- ədəbi məclislər” mövzusundakı “dəyirmi masa” maraqla qarşılanıb.
“Dəyirmi masa”da “Beytüs-səfa” ədəbi məclisinə, muğam ustası ömür-Mahmud Ağaya, Şamaxının XVIII-XIX əsrlər ədəbi mühitinə dair çıxışlar dinlənilib. Çıxışlarda XVIII-XIX əsrlərdə Şamaxı ədəbi mühitinin formalaşmasında mühüm rolu olan görkəmli şəxsiyyətlər barəsində ətraflı danışılıb. Qeyd olunub ki, 1867-ci ildən S.Ə.Şirvaninin rəhbərlik etdiyi “Beytüs-səfa” ədəbi məclisi onun yaxın dostu Ələkbər bəyin təşəbbüsü ilə yaradılıb və 1892-ci ilədək fəaliyyət göstərib. Şamaxı ədəbi mühitin formalaşmasında S.Ə.Şirvani, M.Ə.Sabir, Abbas Səhhət kimi görkəmli şairlərlə yanaşı, ədəbi ictimaiyyətə az məlum olan Bahar Şirvani, Bixud Şirvani, Ağa Məsi Şirvani, Nişat Şirvani, Mirzə Nəsrulla Bahar Şirvani, Məhəmməd Səfa, Mirzə Nəsrullah Didə, Molla Ağa Bixud, Ağəli Bəy Naseh barədə də məlumat verilib.
Sonda Avropa liseyinin şagirdləri tərəfindən XIX əsr Şamaxı şairlərinin şeirləri əsasında hazırlanan ədəbi-bədii kompozisiya nümayiş etdirilib.

Teqlər:  Şamaxının XVIII-XIX əsrlər ədəbi mühitinə həsr olunmuş dəyirmi masa



RƏYLƏR


Top xəbərlər