Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

"Oka" aşdı: 4 yaralı

"Oka" aşdı: 4 yaralı

Date: 19 December 2015 21:34

Salyanda baş verən yol qəzası nəticəsində 4 nəfər yaralanıb.

 

APA-nın Mil-Muğan bürosunun məlumatına görə, hadisə Ələt-Astara magistral yolunun Salyan rayonunun Dayıkənd kəndi ərazisindən keçən hissəsində qeydə alınıb.

 

Məlumata görə, Lerik rayon sakini, 40 yaşlı Azad Cəmil oğlu Ağayevin idarə etdiyi "Oka" markalı avtomobilin aşması nəticəsində sürücü və avtomobildə olan Lerik rayon sakinləri - 79 yaşlı Arəstə Hidayət qızı Ağayeva, 52 yaşlı Şamama Cəmil qızı Ağayeva və 40 yaşlı Rəna Balamirzə qızı Kərimova müxtəlif dərəcəli bədən xəsarətləri alıblar.

 

Dərhal Salyan Rayon Mərkəzi Xəstəxanasına çatdırılan yaralılara ilk tibbi yardım göstəriləndən  sonra onlar Bakıda yaşadıqları üçün paytaxt xəstəxanalarından birinə göndərilib.

 

Faktla bağlı Baş Dövlət Yol Polisi İdarəsində araşdırma aparılır.


Tags:  Oka aşdı yaralı

RƏYLƏR


Top news