Bakı, 20 dekabr, AZƏRTAC
Bu ilin yanvar-noyabr aylarında kompyuter, elektron və optik məhsulların, elektrik avadanlığın istehsalı sahəsində məhsul istehsalının həcmi 157,7 milyon manat olub.
Dövlət Statistika Komitəsindən AZƏRTAC-a bildirilib ki, əvvəlki ilin 11 ayı ilə müqayisədə kompyuter və digər elektron avadanlığın istehsalı 2 dəfə, elektrik avadanlığının istehsalı isə 6,7 faiz artıb. Bu dövrdə güc transformatorlarının istehsalı 4,5 dəfə, 1 kilovatdan çox gərginlik üçün elektrik cərəyanı naqillərinin istehsalı 7,8 dəfə artıb. Bundan əlavə, cari ildə peyk antenalarının istehsalına başlanılıb və ötən 11 ayda 2,5 min antena istehsal olunub.
