Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

İranda qeydiyyat başladı

İranda qeydiyyat başladı

Date: 20 December 2015 03:41

İranda şənbə günündən etibarən parlament seçkilərində iştirak edəcək deputatlığa namizədlərin qeydiyyatı prosesi start götürüb.

ANS PRESS-in məlumatına görə, qeydiyyat bir həftə davam edəcək. Potensial namizədlərin seçki prosesinə cəlb olunması üçün ərizələri İnqilab Keşikçiləri Korpusu tərəfindən təsdiqlənməlidir.

290 yerlik parlament üçün seçkilər fevralın 26-da İranın ali dini liderini təyin edən və onun fəaliyyətinə nəzarət edən 88 üzvlük Expertlər Şurasının seçkilərilə paralel şəkildə keçiriləcək.

Seçki nəticələri səsvermə hüququ olan İran vətəndaşlarının prezident Həsən Ruhaninin mötədil siyasətini necə qiymətləndirdiyini ortaya qoyacaq. (Qeydiyyatdan keçənlər arasında qadın namizədlərin artacağı gözlənilir).

“Əvvəlki illərə nisbətən bu il qadınların daha çox mandat əldə edəcəyinə ümid edirəm, çünki xalqın buna ehtiyacı var. Bəzən parlamentdə qəbul olunan qanunlar cinsi qərəzli olur və bu baxımdan qanunda boşluq hiss olunur, buna görə qanun qəbulu prosesində qadınların iştirakı vacibdir”, potensial namizəd Şəbnəm Heyranı bildirib.

“İslahatçılar radikallarla rəqib düşərgədən olan namizədlər arasında xətt çəkir. Biz radikal hərəkatlara hakimiyyətin yürütdüyü daha geniş siyasət və siyasi mövqeləri qəbul etməyi məsləhət görürük çünki artıq təsdiq olunub ki, radikalizm ölkəyə yalnız ziyan vuracaq”, islahatçı namizəd Məhəmməd Rza Arif deyib.

Hazırda parlamentdə mühafizəkarlar üstünlük təşkil etsə də, İrana qarşı sanksiyaların ləğv olunmasını nəzərdə tutuan 14 iyul – tarixi nüvə sazişindən sonra Ruhaninin müttəfiqləri sayılan islahatçıların nüfuzu kifayət qədər artıb.

Tags:  İranda qeydiyyat başladı


RƏYLƏR


Top news