Bakı. 20 dekabr. REPORT.AZ/ İndoneziyanın Sulavesi adası sahillərində göyərtəsində 100-dən çox sərnişinin olduğu gəmi qəzaya uğrayıb.
"Report" "Reuters"ə istinadən xəbər verir ki, Kolaka limanından Cənubi Sulavesi əyalətinə istiqamət alan gəmi, hələ tam olaraq batmayıb.
Hadisə yerində axtarış-xilasetmə işləri aparılır.
Gəminin göyərtəsində, müxtəlif məlumatlara görə, heyət üzvləri də daxil olmaqla 108-dən 122-dək adam olub.
Qəzanın hansı səbəbdən baş verdiyi, həmçinin sağ qalanın olub-olmadığı barədə məlumat yoxdur.
