Türkiyədə dəhşətli cinayət baş verib. Lent.az-ın Doğan xəbər agentliyinə istinadən məlumatına görə, Erzurum şəhərində Zəkəriyyə Abiş adlı inşaat işisi 31 yaşlı oğlunu güllələyərək öldürüb.
Belə ki, Z.Abiş 2 ay əvvəl həyat yoldaşından ayrılıb və bundan sonra keçmiş həyat yoldaşının uzaq qohumu ilə yaşadığını və oğlu Bayram Abişin bu münasibətə müsbət yanaşdığını öyrənib. Bundan sonra Ərzurumdakı Bəyazit məscidinin qarşısına gələn Z.Abiş 2 uşaq atası olan oğlunu gözləyib və onu görən kimi atəş açıb. B.Abiş hadisə yerindəcə keçinib.
Daha sonra o, 400 metr məsafədə yerləşən atasının evinə qaçıb və həbs edilməkdən yaxasını qurtarmaq üçün yataq xəstəsi olan ata-anasını girov götürüb.
Z.Abiş polislərin qapını sındıraraq içəri girdiyini gördükdü tapança ilə başına atəş açıb. Xəstəxanaya yerləşdirilsə də, onun həyatını da xilas etmək mümkün olmayıb.
