Aktual mövzular: Dollar alış-satışı , Hava haqqında, Məzənnə, Neftin qiyməti

Polkovnik İlqar Əliyevin intiharının təfərrüatı

Polkovnik İlqar Əliyevin intiharının təfərrüatı

Date: 20 December 2015 22:31

Ədliyyə Nazirliyi Penitensiar xidməti polkovnik İlqar Əliyevin ölümü ilə bağlı məlumat yayıb.

ANSPRESS-ə Xidmətdən daxil olan mıəlumatda deyilir:
Dekabrın 20-də saat 15:55 radələrində Cinayət Məcəlləsinin 302.2; 308.2 və 309.1-ci maddələri ilə təqsirləndirilən və barəsində həbs qətimkan tədbiri seçilmiş, Bakı istintaq təcridxanasının ikinəfərlik kamerasında saxlanılan Əliyev İlqar Mustafa oğlu intihar etmişdir.

Kamera yoldaşı telefon danışığı hüququndan istifadə etmək üçün kameranı tərk etdiyi qısa müddət ərzində orada tək qalmış İ.Əliyev mələfəni ip formasına salaraq pəncərədəki dəmir barmaqlığa bağlayaraq özünü asmışdır. Kamera yoldaşı qayıtdıqdan sonra hadisə ilə bağlı dərhal müəssisənin əməkdaşlarına məlumat vermiş və tibb heyətinin iştirakı ilə təxirəsalınmadan

İ.Əliyevin həyatının xilas edilməsinə yönələn tədbirlər görülməsinə baxmayaraq, həmin anda ölüm halı artıq baş verdiyindən ona göstərilən tibbi yardım nəticəsiz qalmışdır. Hadisə barədə dərhal aidiyyəti istintaq orqanlarına, İ.Əliyevin qohumlarına və müdafiəçisinə məlumat verilmişdir. Hadisə yeri Bakı şəhər prokurorluğunun əməkdaşları tərəfindən məhkəmə-tibb ekspertinin iştirakı ilə müayinə edilmişdir. Fakt üzrə Cinayət Məcəlləsinin 125-ci maddəsi ilə cinayət işi başlanılmış və istintaq aparılır.

Tags:  Polkovnik İlqar Əliyevin intiharının təfərrüatı


RƏYLƏR


Top news