Aktual mövzular: Dollar alış-satışı , Hava haqqında, Məzənnə, Neftin qiyməti

"Real Madrid" komandası son 55 ildə ilk dəfə 10 qol vurub

"Real Madrid" komandası son 55 ildə ilk dəfə 10 qol vurub

Date: 21 December 2015 10:42

Bakı. 21 dekabr. REPORT.AZ/ İspaniyanın "Real Madrid" klubu İspaniya çempionatının XVI turunda "Rayo Valyekano"nun qapısından 10 top keçirib. "Report"un məlumatına görə, Madriddə keçirilmiş qarşılaşma meydan sahiblərinin 10:2 hesablı qələbəsi ilə yekunlaşıb. 
"Kral klubu"nun heyətində Qaret Beyl poker (dəq. 25; 41; 61; 70), Kərim Benzema het-trik (dəq.48; 80; 90), Kriştianu Ronaldu dubl (dəq.30; 53-penalti ilə) edib. Daha bir qolu isə Danilo (dəq. 3) vurub. "Rayo Valyekano"dan isə Antonio Amayya (dəq. 10) və Xosabed Sançes (dəq. 12) fərqlənib. Qonaqlar matçın böyük hissəsini 9 oyunçu ilə keçiriblər. 14 və 29-cu dəqiqələrdə Tito və Raul Baena qovulub. "Real Madrid" sonuncu dəfə 10 və daha çox qolu 1960-cı ildə vurub. Həmin vaxt Madrid klubu "Elçe"ni yenib - 11:2.   
Qeyd edək ki, "böyük beşlik" çempionatlarında (İngiltərə, İtaliya, İspaniya, Almaniya, Fransa) "ikirəqəmli" qələbə 31 il 2 ay 10 gündən sonra baş verib. 1984-cü il oktyabrın 10-da Almaniya Bundesliqası matçında "Borussiya" (Mönhenqladbax) komandası "Ayntraxt" (Braunşveyq) komandasını yenib - 10:0. 

Tags:  Real Madrid komandası son 55 ildə ilk dəfə 10 qol vurub


RƏYLƏR


Top news