Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

"Bavariya"nın yeni baş məşqçisi bilindi

"Bavariya"nın yeni baş məşqçisi bilindi

Date: 21 December 2015 13:05

Gələn mövsümdən "Bavariya"nın "sükan"ı arxasına keçəcək baş məşqçinin adına aydınlıq gəlib.

Milli.Az apasport.az-a istinadən xəbər verir ki, komanda italiyalı mütəxəssis Karlo Ançelottiyə tapşırılacaq.

Rəhbərlik hazırkı çalışdırıcı Pep Qvardiolaya yeni müqavilə təklif etsə də, o, buna razılıq verməyib. Bu üzdən yeni baş məşqçi axtarışına başlayan Münhen təmsilçisi Ançelotti ilə anlaşıb.

Geridə qalan 17 turdan sonra "Bavariya" 46 xalla Almaniya Bundesliqasına başçılıq edir. Həmçinin komanda Çempionlar Liqasının 1/8 final mərhələsində "Yuventus"la qarşılaşacaq.
 
56 yaşlı Ançelotti məşqçilik karyerasında "Yuventus", "Milan", "Çelsi", PSJ və "Real" kimi dünya nəhənglərini çalışdırıb. O, bu komandalara İtaliya, İngiltərə və Fransa çempionluğunu qazandırıb və 3 dəfə Çempionlar Liqasının, eyni sayda isə Avropa Superkubokunun qalibi olub.
 
Qeyd edək ki, 2013-cü ildən "Bavariya"ya rəhbərlik edən Qvardiola bu komanda ilə 2 dəfə Almaniya çempionluğunu, həmçinin ölkə kubokunu və Superkuboku qazanıb.

Milli.Az


Tags:  Bavariyanın yeni baş məşqçisi bilindi

RƏYLƏR


Top news