Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Yevlax rayonunun Ərəbbəsrə və Xanabad kəndlərinə təbii qaz verilib

Yevlax rayonunun Ərəbbəsrə və Xanabad kəndlərinə təbii qaz verilib

Date: 21 December 2015 15:28


Yevlax, 21 dekabr, AZƏRTAC
Yevlax rayonunun Ərəbbəsrə və Xanabad kəndlərinə təbii qaz verilib. 587 abonenti olan kəndlərin qazlaşdırılması üçün birpilləli sistem əsasında uzunluğu 12050 metr müxtəlif diametrli polietilen və 37970 metr müxtəlif diametrli metal borularla daşıyıcı və məhəllədaxili qaz xətləri çəkilib, mənzillərə sayğac və fərdi tənzimləyici quraşdırılıb.
AZƏRTAC xəbər verir ki, bu münasibətlə keçirilən tədbirdə çıxış edənlər əhalinin həyat səviyyəsinin yüksəldilməsi, infrastruktur və kommunal xidmətlərin inkişaf etdirilməsi, elektrik enerjisi, təbii qaz və içməli su təminatının yaxşılaşdırılması istiqamətində görülən tədbirlərdən danışıblar.
Məlumat verilib ki, indiyədək Yevlax şəhəri və rayonun 49 kənd və qəsəbəsindən 42-sı “mavi yanacaq”la təmin olunub. Təkcə 2015-ci ilin əvvəlindən şəhərin 32-ci məhəlləsi, Yuxarı Qarxun, Aşağı Qarxun, Gülövşə, Yuxarı Salamabad, Aşağı Salamabad, Əcəmi, Ərəş, Havarlı, Quşçu, Əkşəm, Yuxarı Bucaq, Aşağı Bucaq və Qaraoğlan kəndləri qazlaşdırılıb.
Sakinlər göstərilən diqqət və qayğıya görə dövlətimizin başçısına minnətdarlıqlarını bildiriblər.
Sonda təbii qazın verilməsini bildirən məşəl alovlandırılıb.

Tags:  Yevlax rayonunun Ərəbbəsrə Xanabad kəndlərinə təbii qaz verilib


RƏYLƏR


Top news