Aktual mövzular: Dollar alış-satışı , Hava, Məzənnə, Neftin qiyməti

Azərbaycan və Monqolustan aviasiya sahəsində əməkdaşlıq üzrə işçi qrupu yaradıblar

Azərbaycan və Monqolustan aviasiya sahəsində əməkdaşlıq üzrə işçi qrupu yaradıblar

BAK: Ötən il son 25 il ərzində rekord sayda aviasiya hadisəsi baş verib (15 Mart 2017 08:47)
PAP və FTƏP üzrə NATO-nun ekspertlər qrupu ilə işçi görüşü keçirilib (13 Mart 2017 18:07)
Azərbaycan və Cibuti arasında aviareys açılacaq (28 Fevral 2017 22:28)

Tarix: 21 Dekabr 2015 17:18

Bakı. Trend:

Dekabrın 21-də Bakıda “Azərbaycan Hava Yolları” (AZAL) Qapalı Səhmdar Cəmiyyətinin prezidenti Cahangir Əsgərov “Mongolian Airlines” (MIAT) aviaşirkətinin prezidenti və baş icraçı direktoru Tamir Tumurbaatarın başçılıq etdiyi nümayəndə heyəti ilə görüşüb.

“Azərbaycan Hava Yolları” QSC-nin mətbuat xidmətindən Trend-ə verilən məlumata görə, görüş çərçivəsində Azərbaycan və Monqolustan arasında mülki aviasiya sahəsində ikitərəfli əməkdaşlıq, eləcə də sərnişin və yük daşımalarının artırılması haqqında uzunmüddətli planlar müzakirə olunub.

Həmçinin görüşdə qeyd edilib ki, mülki aviasiya sahəsində yaradılmış infrastruktur, eləcə də ərazisindən "Böyük İpək Yolu" keçən Azərbaycanın əlverişli coğrafi mövqeyi ölkəmizin üzərindən malların Avropa və Sakit Okean hövzəsi ölkələrinə daşınması üçün yaxşı imkanlar yaradır.

Danışıqların nəticəsində AZAL və MIAT nümayəndələrindən ibarət işçi qrupunun yaradılması barədə qərar qəbul edilib. Əməkdaşlıq perspektivləri ilə bağlı konkret təkliflərin müzakirə olunması üçün qrupun ilk iclası gələn il Ulan-Batorda keçiriləcək.

Bizi Twitter-dən izləyin: @trend_az


Teqlər:  Azərbaycan Monqolustan aviasiya sahəsində əməkdaşlıq üzrə işçi qrupu yaradıblar



RƏYLƏR


Top xəbərlər