Bakı. 21 dekabr. REPORT.AZ/ Bu gün Azərbaycan maliyyə naziri Samir Şərifov Beynəlxalq Valyuta Fondunun (BVF) ölkə üzrə missiyasının yeni rəhbəri Məhəmməd əl Qorçini qəbul edib.
"Report"un Maliyyə Nazirliyinə istinadən verdiyi xəbərə görə, tanışlıq xarakteri daşıyan görüşdə Azərbaycan ilə BVF arasında uzunmüddətli uğurlu əməkdaşlığın önəmi vurğulanıb və bu əməkdaşlığın perspektivləri ilə bağlı məsələlər ətrafında fikir mübadiləsi aparılıb.