Aktual mövzular: Dollar alış-satışı , Hava haqqında, Məzənnə, Neftin qiyməti

Beynəlxalq Bankın keçmiş rəhbəri həbsdə qaldı

Beynəlxalq Bankın keçmiş rəhbəri həbsdə qaldı

Date: 21 December 2015 17:46

"Beynəlxalq Bankın İdarə Heyətinin sabiq sədri Cahangir Hacıyev barəsində seçilmiş həbs qətimkan tədbirinin ev dustaqlığı ilə əvəz olunması barədə qaldırılan vəsatət təmin edilməyib. Sabiq sədr həbsdə qalıb".

Bu barədə ANS PRESS-ə C. Hacıyevin vəkili Aqil Layicov məlumat verib. Onun sözlərinə görə, bu gün hakim Camal Ramazanovun sədrliyi ilə Nərimanov Rayon Məhkəməsinin çıxardığı qərardan apellyasiya şikayəti üzrə məhkəmə prosesi keçirilib: "Vəəssüf ki, dekabrın 12-də olduğu kimi, məhkəmə bu dəfə də vəsatəti təmin etmədi. Ancaq biz bundan sonra da həbs qətimkan tədbirinin ev dustaqlığı ilə əvəz edilməsi barədə vəsatət qaldıracağıq. Çünki qanunla müraciətlərin miqdarına məhdudiyyət yoxdur".

Vəkilin sözlərinə görə, proseslərin öz qaydasına düşməsi üçün sabiq rəisin sərbəst buraxılması lazımdır: "Hazırda Kürdəxanıdakı istintaq tədricxanasında saxlanan Hacıyevin saxlanma şəraitindən heç bir narazılığı yoxdur. Düzdür hazırda evdən aparılan yeməklər içəri buraxılmır, ancaq dərmanlarının verilməsində problem yoxdur. Cahangir Hacıyevin dərman qəbul etməsinə səbəb isə mədə-bağırsaq sistemində olan problemlərdir", -deyə A. Layicov bildirdi.



Beynəlxalq Bankın sabiq sədri Cahangir Hacıyev bu il dekabr ayının 5-də həbs edilib.

Sabiq sədr barəsində Nərimanov Rayon Məhkəməsinin qərarı ilə 4 ay müddətinə həbs qətimkan tədbiri seçilib. C.Hacıyevə qarşı Cinayət Məcəlləsinin 178-ci (dələduzluq) maddəsi ilə cinayət işi açılıb.

Sabiq sədr həbsindən əvvəl də bir neçə dəfə DİN Mütəşəkkil Cinayətkarlıqla Mübarizə İdarəsinə çağırılıb.

C. Hacıyev ilk dəfə may ayının 20-də Azərbaycanda "Beynəlxalq Bank"a krediti olan bir neçə məşhur iş adamı ilə birgə saxlanılmışdı.


Eldar Mahmudov - sabiq milli təhlükəsizlik naziri


Vəzifəsindən azad edilən Milli Təhlükəsizlik naziri Eldar Mahmodovun qudası - Beynəlxalq Bankın keçmiş rəhbəri Cahangir Hacıyev Mütəşəkkil Cinayətkarlığa Qarşı Mübarizə İdarəsinə sonuncu dəfə oktyabr ayının 19-da “Bandotdel”-ə çağırılıb.

Cahangir Hacıyev “Bandotdel”ə çağırılsa da həbs edilməyib. O, ancaq ifadə verib.

Beynəlxalq Bankın sabiq rəhbəri “kredit oliqarxları”nın işi ilə əlaqədar çağırılıb və sorğu-sualdan sonra dərhal da azad edilib.

Tags:  Beynəlxalq Bankın keçmiş rəhbəri həbsdə qaldı

RƏYLƏR


Top news