Aktual mövzular: Dollar alış-satışı , Hava, Məzənnə, Neftin qiyməti

Bakı Fond Birjasının Müşahidə Şurasının yeni üzvləri və sədri seçilib

Bakı Fond Birjasının Müşahidə Şurasının yeni üzvləri və sədri seçilib

İpoteka Fondunun Müşahidə Şurasının tərkibi açıqlandı (15 Mart 2017 15:47)
Bakı Fond Birjasının dövriyyəsi 4 dəfəyə yaxın artıb (10 Mart 2017 17:47)
Tusk yenidən Avropa İttifaqı Şurasının sədri seçilib (10 Mart 2017 01:02)

Tarix: 21 Dekabr 2015 18:13

Bakı. Trend:

21 dekabr 2015-ci il tarixdə Bakı Fond Birjası QSC-nin Səhmdarlarının növbədənkənar Ümumi Yığıncağı keçirilmişdir.

Birjadan Trend-ə verilən məlumata görə, iclas zamanı “Bakı Fond Birjası” QSC-nin Müşahidə Şurasının yeni üzvlərinin və sədrinin seçilməsi üzrə səsvermə keçirilmişdir. BFB-nin Səhmdarlarının səsvermə nəticələrinə görə Kapital Bank ASC-nin İdarə Heyətinin sədri Rövşən Allahverdiyev “Bakı Fond Birjası” QSC-nin Müşahidə Şurasının yeni sədri seçilmişdir. R.Allahverdiyev 1972-ci ildə Bakı şəhərində anadan olmuşdur. O, Azərbaycan Dövlət İqtisad Universiteti, Əmək İqtisadiyyatı və Sosiologiya ixtisası üzrə təhsil almışdır. 1992-ci ildən etibarən ölkənin maliyyə sektorunda fasiləsiz xidmət göstərir, müxtəlif banklarda rəhbər vəzifələr tutmuşdur. Rövşən Allahverdiyev, 2013-cü ilin iyun ayından etibarən isə Kapital Bank ASC-nin İdarə Heyətinin sədri vəzifəsində çalışır.

Ümumi Yığıncaq əsnasında Azərbaycan Beynəlxalq Bankının Baş direktoru Fuad İslamov “Bakı Fond Birjası” QSC-nin Müşahidə Şurasının yeni üzvü seçilmişdir. F.İslamov 1969-cu ildə Bakı şəhərində anadan olmuşdur. Azərbaycan Dövlət İqtisad Universiteti, Qeyri-iqtisadi əlaqələrin planlaşdırması və təşkili, Azərbaycan Dövlət Neft və Sənaye Universiteti, Mühəndis fizik-neftçi fakültələrində təhsil almışdır. 1992-2011-ci illərdə Azərbaycan Beynəlxalq Bankında müxtəlif vəzifələrdə çalışmışdır. 2011-ci ildən Azərbaycan Beynəlxalq Bankının baş direktoru vəzifəsində çalışır.

Bizi Twitter-dən izləyin: @trend_az


Teqlər:  Bakı Fond Birjasının Müşahidə Şurasının yeni üzvləri sədri seçilib



RƏYLƏR


Top xəbərlər