Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Milli Məclisdə Türkiyə parlamentinin sədri ilə görüş keçirilib

Milli Məclisdə Türkiyə parlamentinin sədri ilə görüş keçirilib

Date: 21 December 2015 18:13


Bakı, 21 dekabr, AZƏRTAC
Azərbaycan Respublikası Milli Məclisinin sədri Oqtay Əsədov dekabrın 21-də ölkəmizdə rəsmi səfərdə olan Türkiyə Böyük Millət Məclisinin sədri İsmayıl Qəhrəmanın başçılıq etdiyi nümayəndə heyəti ilə görüşüb.
AZƏRTAC xəbər verir ki, görüşdə Milli Məclisin sədri Türkiyə Böyük Millət Məclisinə seçkilərdən sonra ilk rəsmi səfərini Azərbaycana etdiyinə görə İsmayıl Qəhrəmana minnətdarlığını bildirib. Oqtay Əsədov qeyd edib ki, artıq ənənəyə çevrilmiş bu cür səfərlər Türkiyə-Azərbaycan əlaqələrinin nə qədər yüksək səviyyədə olduğunun göstəricisidir.
Milli Məclisin sədri yüksək səviyyəli qarşılıqlı səfərlərin qardaş ölkələrimiz arasındakı münasibətlərin inkişafına xidmət etdiyini vurğulayıb.
Bu gün Türkiyə ilə Azərbaycanın sıx əməkdaşlıq etdiyini söyləyən Oqtay Əsədov ölkələrimizin bütün məsələlərdə bir-birini dəstəklədiyini diqqətə çatdırıb.
İsmayıl Qəhrəman Azərbaycan-Türkiyə qardaşlıq münasibətlərinin sürətlə inkişaf etdiyini deyib. O, parlamentlərarası əlaqələrin bu münasibətlərin daha da dərinləşməsinə xidmət etdiyini söyləyib.
TBMM-in sədri türk dünyası ölkələri arasında birliyin möhkəmləndirilməsinin vacibliyini vurğulayıb. İsmayıl Qəhrəman Azərbaycan-Türkiyə-Gürcüstan üçtərəfli əməkdaşlığının, eyni zamanda, üç ölkənin parlamentləri arasında əlaqələrin daha da dərinləşdiyini söyləyib.
Ermənistan-Azərbaycan, Dağlıq Qarabağ münaqişəsinə toxunan İsmayıl Qəhrəman Türkiyənin hər zaman Azərbaycanın haqlı mövqeyini dəstəklədiyini vurğulayıb. O, Türkiyənin problemin Azərbaycanın ərazi bütövlüyü çərçivəsində, beynəlxalq hüquq normalarına uyğun həllini dəstəklədiyini diqqətə çatdırıb.
Türkiyə parlamentinin sədri ölkələrimiz arasında iqtisadi əməkdaşlığın da uğurla inkişaf etdiyini bildirib.
Görüşdə qarşılıqlı maraq doğuran məsələlər ətrafında fikir mübadiləsi aparılıb.


Tags:  Milli Məclisdə Türkiyə parlamentinin sədri görüş keçirilib


RƏYLƏR


Top news