Aktual mövzular: Dollar alış-satışı , Hava, Məzənnə, Neftin qiyməti

Bakı Fond Birjasının Müşahidə Şurasının yeni üzvləri və sədri seçilib

Bakı Fond Birjasının Müşahidə Şurasının yeni üzvləri və sədri seçilib

İpoteka Fondunun Müşahidə Şurasının tərkibi açıqlandı (15 Mart 2017 15:47)
Bakı Fond Birjasının dövriyyəsi 4 dəfəyə yaxın artıb (10 Mart 2017 17:47)
Tusk yenidən Avropa İttifaqı Şurasının sədri seçilib (10 Mart 2017 01:02)

Tarix: 21 Dekabr 2015 18:37

Dekabrın 21-də "Bakı Fond Birjası" QSC-nin Səhmdarlarının növbədənkənar ümumi yığıncağı keçirilib.

Milli.Az bildirir ki, Birjadan Trend-ə verilən məlumata görə, iclas zamanı "Bakı Fond Birjası" QSC-nin Müşahidə Şurasının yeni üzvlərinin və sədrinin seçilməsi üzrə səsvermə keçirilib. BFB-nin Səhmdarlarının səsvermə nəticələrinə görə "Kapital Bank" ASC-nin İdarə Heyətinin sədri Rövşən Allahverdiyev "Bakı Fond Birjası" QSC-nin Müşahidə Şurasının yeni sədri seçilib.

R.Allahverdiyev 1972-ci ildə Bakı şəhərində anadan olub. O, Azərbaycan Dövlət İqtisad Universitetində "Əmək iqtisadiyyatı" və "Sosiologiya" ixtisasları üzrə təhsil alıb. 1992-ci ildən etibarən ölkənin maliyyə sektorunda fasiləsiz xidmət göstərir, müxtəlif banklarda rəhbər vəzifələr tutub. R.Allahverdiyev 2013-cü ilin iyun ayından etibarən isə "Kapital Bank" ASC-nin İdarə Heyətinin sədri vəzifəsində çalışır.

Ümumi yığıncaq əsnasında Azərbaycan Beynəlxalq Bankının baş direktoru Fuad İslamov "Bakı Fond Birjası" QSC-nin Müşahidə Şurasının yeni üzvü seçilib.

F.İslamov 1969-cu ildə Bakı şəhərində anadan olub. Azərbaycan Dövlət İqtisad Universitetində Qeyri-iqtisadi əlaqələrin planlaşdırması və təşkili, Azərbaycan Dövlət Neft və Sənaye Universitetində isə Mühəndis fizik-neftçi fakültələrində təhsil alıb. 1992-2011-ci illərdə Azərbaycan Beynəlxalq Bankında müxtəlif vəzifələrdə çalışıb. 2011-ci ildən Azərbaycan Beynəlxalq Bankının baş direktoru vəzifəsində çalışır.

Milli.Az


Teqlər:  Bakı Fond Birjasının Müşahidə Şurasının yeni üzvləri sədri seçilib



RƏYLƏR


Top xəbərlər