Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Keyxanım xəyanətdən danışdı: "Yanımda olmasını istəmirəm"

Keyxanım xəyanətdən danışdı: "Yanımda olmasını istəmirəm"

Date: 21 December 2015 20:32

Gecce.az xəbər verir ki, "Keyxanım" ləqəbli aktrisa Ülviyyə Əliyeva ona xəyanət edənlərdən "Yeri gəlmişkən" verilişində danışıb:

"Dost xəyanəti ilə üzləşməmişəm. Həyat bir məktəbdir. Allah bəzi insanları bizim qarşımıza çıxardaraq, dərs verir. Yaxşı ki, belə insanlar var. İstər yaxşılığa, istər də pisliyə. 35 yaşım var və həyatda çox şey öyrənmişəm. Amma baş verənlərə baxmayaraq sərt olmamışam, hələ də üzüm gülür. Pozitiv olmaq lazımdır. Elə insanlar var ki, pislik edənlərə pisliklə cavab vermək istəyirlər". 

Ülviyyə xanım hesab edir ki, kişilər xanımlarına hörmət eləməlidir. O zaman xəyanət və dava olmayacaq:

"Kişi xanımına hörmət etməlidir. Sevgi ikinci planda olmalıdır. Hörmət olanda, xəyanət və dava olmayacaq. Həmişə çalışmışam ki, mənə pislik edənin səviyyəsinə düşməyim və ona pisliklə cavab verməyim. Mənə pislik edənə yaxşılıqla cavab vermirəm, amma onu həyatımdan silirəm. Həyat insana bir dəfə verilir. Nəyə görə kiminsə fikrini edərək, şansımı əldən verməliyəm. Elə qadın yoxdur ki, kişi ona xəyanət eləsin və qadın bunu hiss etməsin. Elə xanım var ki, xəyanətə etiraz edir və ayrılır. Bəzi qadınlar isə ruhən zəif olur və ailəni dağıtmırlar. Mən heç vaxt bunu özümə sığışdıra bilmərəm. Kiminsə paltarını əynimə geyinə bilmərəm. Mənim olmayan onsuz da heç vaxt mənə gəlməyəcək. Bu günə qədər alın tərimlə qazanıb bu səviyyəyə gəlmişəm. Mənim həyat yoldaşım mənə hörmət etməlidir. Əgər hörmət etmirsə, o insanın yanımda olmasını istəmirəm".

Milli.Az


Tags:  Keyxanım xəyanətdən danışdı Yanımda olmasını istəmirəm


RƏYLƏR


Top news