Dolların məzənnəsinin dəyişməsi istər ərzaq, istərsə də elektron məhsulların qiymətinə təsirsiz ötüşməyib. Milli.Az xezerxeber.com-a istinadən xəbər verir ki, bəzi firmalar mağazalara mal verilməsini dayandırıb. Satıcılar deyirlər ki, sabahdan məhsulların qiymətinda artım gözlənilir.
Dolların bahalaşması bazarlara da öz təsirini göstərib. Gün əzrində ərzaq məhsullarının qiyməti dəyişdirilməsə də firmalar mağazalara məhsul verilməsini dayandırıblar.
Hətta bəzi mağazalarda satışa məhdudiyyət tətbiq edilib. Səbəb göstərilir ki, sabahdan məhsulları yeni qiymətlərlə satışa çıxarılacaq. Elektron məhsulların qiyməti dəyişməsə də, sabahdan qiymətdə artımı olacağı bildirilir.
Satıcıları deyir ki, firmalar qiyməti qaldırsa, ərzaq məhsulları avtomatik olaraq bahalaşacaq.
Tamamilə idxal mallar olduğundan elektron məhsulların qiyməti 40-60 faiz yüksələcək. Satıcılar deyirlər ki, qiymət artımı artıq sabahdan müşahidə oluna bilər.
Milli.Az
