Aktual mövzular: Dollar alış-satışı , Hava haqqında, Məzənnə, Neftin qiyməti

İş adamı Telman İsmayılov müflis elan olunub

İş adamı Telman İsmayılov müflis elan olunub

Date: 22 December 2015 02:17

Bakı. 22 dekabr. REPORT.AZ/ Moskva vilayətinin Arbitraj məhkəməsi azərbaycanlı iş adamı Telman İsmayılovu müflis elan edib və ona qarşı müsabiqə icraatına başlayıb.
"Report" xəbər verir ki, bu barədə məhkəmə materiallarında bildirilir.
Qeyd edək ki, müsabiqə icraatı dedikdə müflisləşmiş müəssisənin könüllü və ya məcburi şəkildə ləğv edilməsi proseduru başa düşülür. Bunun nəticəsində müsabiqə kütləsi, yəni borclunun əmlakı müəyyən edilərək kreditorlar arasında bölüşdürülür. Kreditorların tələbləri ödənildikdən sonra borclu müəssisə borclardan azad elan edilir.
Telman İsmayılov AST holdinqinin təsisçisidir. Müxtəlif illərdə Moskvanın keçmiş Çerkizov bazarı, məşhur Arbat küçəsindəki "Praqa" restoranı, Vozdvijenke küçəsindəki "Voentorq" biznes mərkəzi, Türkiyənin Antalya şəhərində yerləşən "Mardan Palace" mehmanxanası və s. mülklər bu holdinqə daxil olub.
O 2007-ci ildə mətbuata açıqlamasında AST-nin dəyərini 3 milyard ABŞ dolları məbləğində qiymətləndirib. İş adamı 2015-ci ildə "Forbes" jurnalının tərtib etdiyi Rusiyanın ən varlı iş adamları siyahısında 144-cü yeri (600 mln. dollar) tutub. 

Tags:  adamı Telman İsmayılov müflis elan olunub

RƏYLƏR


Top news