Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Gənclərə yol hərəkəti qaydaları öyrədilir

Gənclərə yol hərəkəti qaydaları öyrədilir

Date: 22 December 2015 03:08


Bakı, 22 dekabr, AZƏRTAC
“Yol hərəkəti qaydalarını öyrənək və öyrədək” layihəsinə 30 gənc cəlb olunub. Dekabrın 3-dən 20-dək təcrübəli təlimçilər Həmid İslamov və Xalid Səlimov tərəfindən onlar üçün şəhər nəqliyyatında, yollarda ictimai davranış qaydaları, təhlükəsiz gənc sürücü, dönmə əməliyyatı, icazə verilən maksimum hərəkət sürətləri, nizamlayıcının göstərişləri, qəza nişanları, minik avtomobillərinin idarə olunması və s. mövzularda qeyri - formal təhsil metodundan istifadə olunaraq praktiki məşğələlər keçirilib.
“Gənclərin Dostluq Şəbəkəsi” İctimai Birliyindən AZƏRTAC-a bildiriblər ki, təlimlərin sonunda iştirakçıların öyrəndiklərini yoxlamaq məqsədilə imtahan təşkil olunub. Eyni zamanda, gənclər ilk dəfə olaraq təlim avtomobillərini idarə ediblər.
Layihə Azərbaycan Respublikasının Prezidenti yanında Gənclər Fondunun maliyyə yardımı, “İB Club” Gənclərin İnkişaf Mərkəzinin dəstəyi və “Gənclərin Dostluq Şəbəkəsi” İctimai Birliyinin təşkilatçılığı ilə həyata keçirilir. Məqsəd gənc sürücü və piyadaların yol hərəkəti qaydalarına dair bilik və bacarıqlarının artırılması, onlara təhlükəsiz davranış vərdişlərinin aşılanması, cəmiyyətdə sürücülük mədəniyyətinin səviyyəsini yüksəltmək və yol təhlükəsizliyin təmin olunmasında məlumatlılığın artırılmasından ibarətdir.
Sonda layihədə iştirak edən 30 iştirakçıya şəhadətnamə və diplom təqdim olunacaq.




Tags:  Gənclərə yol hərəkəti qaydaları öyrədilir


RƏYLƏR


Top news