Aktual mövzular: Dollar alış-satışı , Hava haqqında, Məzənnə, Neftin qiyməti

"Gözəl markiza" tortu - FOTO

"Gözəl markiza" tortu - FOTO

Date: 22 December 2015 07:05

Milli.Az "Gözəl markiza" tortunun hazırlanma qaydasını təqdim edir

Tərkibi: 

şəkərli korjlar üçün: 

300 q marqarin (yaxud kərə yağı)
3 yumurtanın sarısı
3 st. un
1 ç. q. qabartma tozu
100-150 q qoz

merengi qatı: 

3 yumurtanın ağı
1 st. şəkər pudrası
1/2 ç.q. limon şirəsi 

krem:

1 banka (380 q) bişmiş qatılaşdırılmış süd
300 q kərə yağı
10 q vanilli şəkər tozu

bəzək: 

qovrulmuş keşyu
50-100 q tünd şokolad
50-100 q ağ şokolad
1 x.q. bal
3 x.q. şəkər tozu
1/2 ç.q. duz

Korj: Unu qabartma tozu ilə qarışdırıb soyuq, kubik doğranmış yağla əlinizlə ovun, yumurta sarılarını əlavə edib xəmir yoğurun. 3 yerə bölüb soyuducuda 3 saat saxlayın. 

Soyuducudan çıxarıb 15-20 dəqiqə otaq temperaturunda saxlayın. 

Üç perqament parçasına 22 sm diametrli dairə çəkin. Xəmiri əlinizlə həmin dairələrin içinə yayın. Bütün korjların üzərinə bərabər qaydada xırdalanmış qoz səpin. Azca üstündən basıb xəmirə yapışdırın. 

Merengi: Yumurta ağlarını şəkər pudrası və limon şirəsi ilə möhkəm çalın. 

Bir korjun üzərinə bezenin 1/3-ni çəkin, qalanını soyuducuya qoyun (və hər bir hissəni növbəti korju bişirərkən çıxarıb xəmirin üzərinə çəkin). 170 dərəcə qızdırılmış sobada təxminən 25 dəqiqə bişirin. Qızılı rəngə çalmalıdır. Bişmiş korju çıxarıb tam soyudun (ehtiyatlı olun, kövrək olur), sonra kağızdan aralayın. 

Krem: Bişmiş qatılaşdırılmış südü kərə yağı və vanilli şəkər tozu ilə çalın. 

Korjların arasına krem çəkməklə üst-üstə düzün, tortun kənarlarına və üstünə də krem çəkin. 

Ağ və tünd şokoladları xırdalayıb hərəsini ayrı-ayrı paketlərə qoyun, paketləri isə qaynar suya (paketlərin içinə su keçməsinə imkan verməyin). Şokolad əriyəndə paketin ucunu azacıq kəsin və tortun üzərinə aşağı-yuxarı eləməklə xaotik naxışlar çəkin - əvvəl tünd, sonra isə ağ şokoladla. 

Keşyunu qovurub tortun ortasına qoyun. 

Zövqə görə keşyunu dadlandırmaq da olar: bal, şəkər tozu və duzu qarışdırıb keşyunu bu qarışığa batırın, siniyə qoyub 170 dərəcə qızdırılmış sobada 10-15 dəqiqə bişirin. Sonra isə tortun üzərinə qoyun.

Nuş olsun! 

Milli.Az 






Tags:  Gözəl markiza tortu FOTO

RƏYLƏR


Top news