Dekabrın 20-21-də Türkiyənin İstanbul şəhərində pauerliftinq üzrə Boğaziçi Kuboku keçirilib. Milli.Az El TV-yə (Region TV) istinadən xəbər verir ki, yarışda Azərbaycanı Mingəçevirdən olan idmançı Rövşən Xəlilov təmsil edib. 10 dövlətdən 50-yə yaxın idmançının iştirak etdiyi yarışda Rövşən Xəlilov yüksək nəticəyə imza atıb. O, 210 kiloqram nəticə göstərərək pauerliftinq 3 kateqoriyasında birinci yeri tutub. Rövşən Xəlilov həm də yarışda mütləq çempion olaraq kubokla təltif edilib.
Milli.Az