Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

"Dolların bahalaşması məni sevindirir" - xalq artisti

"Dolların bahalaşması məni sevindirir" - xalq artisti

Date: 22 December 2015 13:46

“Dolların bahalaşması, manatın məzənnəsinin düşməsi bir vətəndaş olaraq məni sevindirir”.

Axşam.az xəbər verir ki, bunu big.az-a açıqlamasında xalq artisti Ağadadaş Ağayev bildirib. Müğənni vurğulayıb ki, əsas məmləkətin, Vətənin , dövlətin büdcəsi bizim üçün çox önəmlidir:

“Çoxları dolların qalxmasına neqativ münasibət bəsləyir. Amma dolların bahalaşması, manatın düşməsi bir vətəndaş olaraq məni sevindirir. Ona görə ki, biz ixracat ölkəsiyik. Bizim ixracatımız daha çoxdur, nəinki istehsalımız. İstehsalla bağlı bizim hələ də problemlərimiz var. Amma bizim əsas ixracatımız neft, qazdır. Neftimizi, qazımızı bütün dünyaya satırıqsa, bu dollar üzərindən satılır düzdümü?! Biz məsələn, bir milyon dollar neft satdıq, qazandığımız bir milyon dollar da olur. Amma biz onu Vətəndə dəyərləndirəndə olur bir milyon altı yüz min manat. Və bu bizim büdcəmizə birbaşa müsbət təsir göstərir. Əsas məmləkətin, Vətənin , dövlətin büdcəsi bizim üçün çox önəmlidir. Əcəb olub, dollar qalxıb”.

Manatın məzənnəsinin aşağı düşməsindən sonra dollarla kredit götürən vətəndaşların ödəmə qabiliyyətinin çətinləşməsi ilə bağlı xalq artistinə sual verdik.

“Düzdür, dolların qalxması bizlər üçün müəyyən problemlər yarada bilər. Düzdür, banklardan dollarla kredit götürənlər var. Belə problem bəlkə məndə də var. Büdcəm, sənin büdcən, onun büdcəsi bunlar müvəqqəti hallardır. Bunlar hamısı öz yerini tapacaq. Bəlkə də mənim bu sözlərimə irad tutanlarımız çox olacaq. Öz Vətəninin, öz millətinin, öz dövlətinin pul dəyəri o zaman dəyərə minir ki, o Amerika dollarının, Avropa avrosunun qarşısında aciz qalmasın. Daxili bazarımızda dəyərini tapsın və büdcəmizin zənginlənməsinə kömək etsin. Mən bunu belə başa düşürəm. Vəssalam, bu mənim subyektiv fikrimdir”.

Tags:  Dolların bahalaşması məni sevindirir xalq artisti

RƏYLƏR


Top news