Aktual mövzular: Dollar alış-satışı , Hava, Məzənnə, Neftin qiyməti

Azərbaycan Gənclər Fondunun yeni ofisinin açılışı olub

Gənclər Fondunun Müşahidə Şurasına üzvlər təyin edildi (04 Mart 2017 19:50)
Gənclər Fondunun Müşahidə Şurasının üzvləri təyin edildi - SƏRƏNCAM (04 Mart 2017 18:24)
Gənclər Fondunun Müşahidə Şurasının üzvləri təyin edilib - SİYAHI (04 Mart 2017 18:17)

Tarix: 22 Dekabr 2015 14:13


Bakı, 22 dekabr, Həsrət Mahmudova, AZƏRTAC
Dekabrın 22-də Bakıda Azərbaycan Respublikasının Prezidenti yanında Gənclər Fondunun yeni ofisinin açılışı olub.
AZƏRTAC xəbər verir ki, Fondun icraçı direktoru Fərhad Hacıyev əvvəlcə jurnalistlərlə keçirilən görüşdə qurumun fəaliyyəti barədə məlumat verib. Bildirib ki, Gənclər Fondu gənclər siyasəti ilə bağlı elm, təhsil, mədəniyyət və digər sosial sahələrə yönəlmiş fəaliyyətlərin stimullaşdırılmasını, o cümlədən beynəlxalq səviyyədə həyata keçirilən layihə və proqramların qrant şəklində maliyyələşdirilməsini təmin edən qurumdur. Fond 4 ildir fəaliyyət göstərir və indiyə qədər 7 qrant müsabiqəsi keçirib: “Məqsədimiz vətəndaş cəmiyyətinin fəaliyyətində gənclər təşkilatının rolunun gücləndirilməsidir. Hazırda Azərbaycanda 310 gənclər təşkilatı var”.
F.Hacıyev deyib ki, indiyə qədər Fonda 5080 layihə ilə müraciət olunub, onlardan 2330-u dəstəklənib. Eyni zamanda, 1600-ə yaxın gənc işlə təmin edilib.
O, Fondun 8-ci qrant müsabiqəsini elan etdiyini xatırladıb: “Fondun fəaliyyəti şəffafdır. Bütün məlumatlarımızı saytda yerləşdiririk. Bu müsabiqədə dini radikalizmə qarşı mübarizədə maarifləndirmə ilə bağlı mövzu da var. Çünki gənclərin radikal qruplara qoşulmasının qarşısını almaq üçün Azərbaycanda maarifləndirmə işləri aparılmalıdır”.
Sonra Fondun yeni ofisi ilə tanışlıq olub.

Teqlər:  Azərbaycan Gənclər Fondunun yeni ofisinin açılışı olub



RƏYLƏR


Top xəbərlər