Aktual mövzular: Dollar alış-satışı , Hava haqqında, Məzənnə, Neftin qiyməti

​Vəkil: “Cahangir Hacıyev saxlanma şəraitindən razıdır”

Date: 22 December 2015 16:52

Bu barədə “Report”a A.Layicov məlumat verib.
A.Layicov C.Hacıyevin vəziyyətinin normal olduğunu deyib: “Cahangir Hacıyevin səhhəti normaldır. O, 1 saylı Bakı İstintaq Təcridxanasının saxlanma şəraitindən və ona olan davranışdan razıdır”.
Vəkil A.Layicov xüsusi olaraq 1 saylı Bakı İstintaq Təcridxanasının rəisi Azər Seyidova təşəkkürünü bildirib: “Təcridxanasının rəisi çox alicənab, qanuna və hüquqa hörmət edən şəxsdir”.
Qeyd edək ki, C.Hacıyev dekabrın 5-də həbs edilib. Onun barəsində Nərimanov Rayon Məhkəməsində 4 ay müddətinə həbs qətimkan tədbiri seçilib. Həmin qərarın ləğv olunması barədə apellyasiya şikayəti verilib. Lakin Bakı Apellyasiya Məhkəməsində apellyasiya şikayəti təmin edilməyib.
Cahangir Hacıyev dekabrın 19-da Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsindən (BMCMİ) 1 saylı Bakı İstintaq Təcridxanasına köçürülüb.
O, Cinayət Məcəlləsinin 179.1 (mənimsəmə və ya israf etmə, yəni təqsirkara etibar edilmiş özgə əmlakını talama) və 308-ci (vəzifə səlahiyyətlərindən sui-istifadə etmə) maddələri ilə ittiham olunur.

Tags:  Vəkil Cahangir Hacıyev saxlanma şəraitindən razıdır

RƏYLƏR


Top news