Fövqəladə Hallar Nazirliyinin ( FHN) qurumları tərəfindən dekabrın 22-də Bakı şəhəri, Tbilisi prospekti, 38 ünvanında yerləşən “Qafqaz” otelində təlim keçirilib.
FHN-nin mətbuat xidmətindən Lent.az-a verilən məlumata görə, FHN-in xilasetmə qurumlarının qüvvə və texnikaları cəlb edilməklə keçirilən təlimin məqsədi yanğın zamanı insanların təhlükəsizliyinin təmin edilməsi, bu sahədə nazirliyin qurumları arasında qarşılıqlı fəaliyyətin daha da gücləndirilməsi olub.
Təlim planına uyğun olaraq yanğının söndürülməsi və insanların təxliyyə olunması üzrə əməliyyatlar uğurla yerinə yetirilib.
