Bakı. Trend:
Bu gün bəzi xəbər saytları və sosial şəbəklərdə guya Binə Ticarət Mərkəzində etiraz aksiyaların keçirilməsi barədə yazılar, həmçinin video görüntülər yayımlanıb. Məlumatlarda bu aksiyaların devalivasiyadan sonra ağır durumla əlaqəli olması ehtimalları yer alıb.
Trend-in məlumatına görə, hazırda belə bir hal yoxdur. Yayılan video görüntülər isə 2013-cü ildə Binə Ticarət Mərkəzində baş vermiş yanğından sonra sahibkarların kompensasiya tələbi ilə bağlı keçirdiyi aksiyadan yayılan görüntülərdir. Video görüntünün altında yerləşdirilmiş tarix də bunun əyani sübutudur. Video görüntü 19 yanvar 2013-cü il tarixində yerləşdirilib.
Bizi Twitter-dən izləyin: @trend_az
