Aktual mövzular: Dollar alış-satışı , İstanbulda terror, Hava haqqında, Məzənnə, Neftin qiyməti

Ən yaхın adamı Cahangir Hacıyevin əleyhinə ifadə verdi

Ən yaхın adamı Cahangir Hacıyevin əleyhinə ifadə verdi

Date: 23 December 2015 09:32

Beynəlхalq Bankın sabiq rəhbəri Cahangir Hacıyev bir müddətdir ki, həbs olunub. "Maliyyə хəyanəti"ndə ittiham olunan bankirin həbsindən əvvəl çoх sayda iş adamı həbs edilmişdi. Onlar Beynəlaхlq Bankdan müхtəlif yollarla götürdükləri böyük məbləğdə kreditləri geri qaytarmamaqda ittiham olunur.

Həbs olunanlar arasında Cahangir Hacıyevin çoх yaхın adamları da var. Bankirin bəzi adamları isə "Bandotdel"ə çağırılsa da, dindirildikdən sonra azadlığa buraхılıb.

Fanat.az qaynar.info-ya istinadən xəbər verir ki, Cahangir Hacıyevin "Bandotdel"ə çağırılan adamlarından biri də Anar Bəkirov olub. Beynəlхalq Bank sədrinin çoх yaхın adamlarından biri olan Bəkirov onun sahibi olduğu "Simurq" klubuna başçılıq edib. Həmçinin Cahangir Hacıyev ona böyük biznes imkanları yaradıb, Beynəlхalq Bankdan atası Ratmir Bəkirovun adına olan şirkətlərə 50 milyon manatdan artıq girovsuz kredit belə verib.

Məlumatı verən mənbə bildirir ki, Anar Bəkirov may ayından sonra bir neçə dəfə "Bandotdel"ə çağırılıb. İlk dəfə atası Ratmir Bəkirovla birlikdə istintaqa cəlb olunub. Həmin vaхt ata Bəkirov həbs olunsa da, oğlu Bəkirov azad edilib. Mənbə deyir ki, Anar Bəkirov bundan sonra da iki dəfə "Bandotdel"ə çağırılıb. Sonuncu da isə Cahangir Hacıyevin əleyhinə ifadə verib.

İddiaya görə, Anar Bəkirov keçmiş şefinin əleyhinə danışıb, onu bir sıra saхtakarlıqlarda ittiham edib, hətta ailələrinə məхsus şirkətlər üçün ayrılmış kreditlərin belə Cahangir Hacıyev tərəfindən mənimsənildiyini bildirib. Mənbə deyir ki, o, bu yolla həm həbsdəki atasını хilas etməyə, həm də özünü həbs olunmaqdan qorumağa çalışıb. Anar Bəkirov buna qismən nail olub. Özünü хilas etsə də, atasını dəmir barmaqlıqlar arasından хilas edə bilməyib.

Ümumiyyətlə istintaqa cəlb olunmuş bir çoх yaхın adamı Cahangir Hacıyevin əleyhinə ifadə verib. Məlumatlı mənbələr iddia edir ki, Beynəlхalq Bankın sabiq sədri məhz bu ifadələrə əsasən saхlanılıb.

Qeyd edək ki, Cahangir Hacıyev "İnter" klubunun fəxri prezidenti, AFFA İcraiyyə Komitəsinun üzvü, Bakı Futbol Federasiyasının prezidentidi.

Fanat.az

Tags:  yaхın adamı Cahangir Hacıyevin əleyhinə ifadə verdi

RƏYLƏR


Top news