Aktual mövzular: Dollar alış-satışı , İstanbulda terror, Hava haqqında, Məzənnə, Neftin qiyməti

Adı dopinqlə hallanan idmançımızın taleyi necə olacaq?

Adı dopinqlə hallanan idmançımızın taleyi necə olacaq?

Date: 23 December 2015 11:57

Adları dopinq qalmaqalında hallanan Azərbaycan millisinin ağırlıqqaldıranlarının taleyinə 2016-cı ildə aydınlıq gələcək.

Milli.Az apasport.az-a istinadən xəbər verir ki, bu barədə məlumatı Beynəlxalq Ağırlıqqaldırma Federasiyası yayıb.

Belə ki, qurum bu gündən rəsmən bayram tətilinə çıxıb. Milad və Yeni il bayramı ilə bağlı 13 günlük istirahətə yollanan federasiya işini yanvarın 5-də bərpa edəcək. Bu isə o deməkdir ki, atletlərimizin B testi müsbət nəticə verərsə belə, onlarla bağlı yekun qərar həmin tarixdən sonra veriləcək.

Qeyd edək ki, ABŞ-ın Hyuston şəhərində keçirilən dünya çempionatında yığmamızın üzvləri - Valentin Xristov (62 kq), Elxan Əliquluzadə (77 kq) və Silviya Angelovanın (48 kq) orqanizmində istifadəsi qadağan olunmuş preparatlar tapılmışdı. Onların A testi müsbət nəticələndiyindən ağırlıqqaldıranlarımız yenidən analiz verməli olacaqlar. Əgər B testi də birincinin nəticəsini təsdiqləsə, Xristov bürünc medaldan məhrum ediləcək, həmçinin milliləşdirilən legionerimizlə yanaşı, Əliquluzadə və Angelova da ömürlük diskvalifikasiya olunacaqlar.

Milli.Az


Tags:  Adı dopinqlə hallanan idmançımızın taleyi olacaq

RƏYLƏR


Top news