Bakı. Elmir Murad - Trend:
Bakının Qaradağ rayonunda baş verən silahlı insident zamanı 6 nəfərə xəsarət yetirən şəxslər saxlanılıb.
Trend Daxili İşlər Nazirliyinin saytına istinadən xəbər verir ki, onları Qaradağ Rayon Polis İdarəsi 10-cu Polis Bölməsinin əməkdaşları tərəfindən həyata keçirilən əməliyyat-axtarış tədbirləri nəticəsində saxlamaq mümkün olub.
Tutulanlar Məhərrəm Əliyev və Zaqatala rayon sakini Samir Epdiyevdir. M.Əliyevdən hadisəni törədərkən istifadə etdiyi “Bunta Maqnum” markalı tüfəng götürülüb.
Xatırladaq ki, dekabrın 21-də Lökbatan qəsəbəsində yerləşən “Zeytə” restoranının qarşısında silahlı insident baş verib. Hadisə nəticəsində 6 nəfər xəsarət alıb.
Bizi Twitter-dən izləyin: @trend_az