Aktual mövzular: Dollar alış-satışı , Hava haqqında, Məzənnə, Neftin qiyməti

Nardaranda əməliyyat davam edir, daha 2 nəfər həbs edildi

Nardaranda əməliyyat davam edir, daha 2 nəfər həbs edildi

Date: 23 December 2015 15:38

Bakı. Samir Məmmədov - Trend:

Bakının Nardaran qəsəbəsində hüquq-mühafizə orqanları əməkdaşlarının əməliyyatı davam edir.

Daxili İşlər Nazirliyinin Baş Cinayət Axtarış İdarəsi, Bakı şəhər Baş Polis İdarəsinin Baş Cinayət Axtarış İdarəsi, Çevik Polis Alayı, Baş Mütəşəkkil Cinayətkarlıqla Mübarizə İdarəsinin əməkdaşlarının keçirdiyi əməliyyat zamanı qəsəbədə daha iki nəfər saxlanılıb.

Saxlanılan şəxslər Nardaran qəsəbəsində yaşayan Ələsgər Həsənov və Nahid Bəhrəmovdur.

Həmin şəxslər barəsində Cinayət Məcəlləsinin 228-ci (Qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) maddəsi ilə cinayət işi başlanıb və barələrində məhkəmənin qərarı ilə 4 ay müddətinə həbs qətimkan tədbiri seçilib.

Faktı Sabunçu rayon Polis İdarəsindən təsdiq ediblər.

Bizi Twitter-dən izləyin: @trend_az


Tags:  Nardaranda əməliyyat davam edir nəfər həbs edildi

RƏYLƏR


Top news