Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Müğənnilər də toy qiymətlərini artırdı (FOTO)

Müğənnilər də toy qiymətlərini artırdı (FOTO)

Date: 23 December 2015 16:01

Bu həftənin əvvvəlindən etibarən manatın ucuzlaşması və bunun fonunda dolların bahalaşması ölkədə bir sıra sektorlarda qiymət artımına səbəb olmaqla yanaşı, müğənniləri də öz toy qiymətlərini müəyyən qədər artırmağa vadar edib.

ANS PRESS-in məlumatına görə hazırda bütün şou biznes nümayəndələri bu addımı atmasa da, gələcəkdə bütün müğənnilərin qiymətləri artıracağı gözlənilir.

Artıq şadlıq evləri və restoranlar təklif etdikləri menyunun qiymətinin qalxacağının qaçılmaz olduğunu deyirlər. Bu şou -biznes nümayəndələrinin toy sahiblərinə təklif etdiyi qiymətlərə də aid olacaq.

Məsələn bir sıra şou biznes nümayəndələri ANS PRESS-ə bildirdilər ki, onlar qiymətləri toy sahibləri ilə əvvəlcədən müəyyən etdiklərindən , hazırda bu qiymətləri dəyişmək bir qədər çətin olacaq. Amma bundan sonra təyin olunacaq toylar üçün yeni qiymətlərin təklif olunacağını deyirlər.

Müğənni Əlikram Bayramov bildirib ki, 10-a yaxın toy götürüb, lakin gedəcəyi toyların qiymətini 500 manat qaldıracağını deyib:

“Baxaq görək necə olacaq. Tək deyiləm, 12 nəfərlik komandam var, bunun sürücüsü və digər xərcləri var. Yəqinki, qiymətlərdə dəyişiklik olacaq. 2500 manatı 3000 manat edəcəm. Aprel, mart aylarında ona yaxın toy götürmüşəm. Beh də verilib. İndi bilmirəm onlara necə deyim ki, qiymətlər qalxıb. Qorxuram ki, söz-söhbət olsun”.

Müğənni deyir ki, toy sahibləri “biz qiymətlər qalxmazdan əvvəl danışmışıq, artıq sən söz vermisən və beh də almısan” deyir. Ona görə də toy sahibləri ilə aralarında narazılıq yaranır.


Əlikram bayramov - müğənni


Əməkdar artist Elza Seyidcahan götürdüyü toyların qiymətlərində dəyişikliyi olacağını deyib. O , toy qiymətlərini bazara uyğun təyin edəcəyini dedi.


Elza Seyidcahan - əməkdar artist

Rəşad İlyasovun köməkçisi Tengiz dolların bahalaşması ilə əlaqədar toy qiymətlərinin artacağını deyib.

"Əlbəttə əgər hər şeyin qiyməti qalxıbsa deməli toy qiymətləri də qalxacaq"-deyə müğənninin köməkçisi əlavə edib.


Rəşad İlyasov- müğənni


Toylar kralı xalq artisti Səməd Səmədov isə hələ ki, qiymətlərdə dəyişiklik olmayacağını deyib:

“Mən necə 3 min manata gedirdim elə də gedəcəm. Qiymətləri dollarla deyil, manatla müəyyən edirəm”. -müğənni əlavə edib.


Səməd Səmədov - xalq artisti

Müğənni Nadir Bayramlı bildirib ki, o, heç zaman toy sahiblərinə dəqiq qiymət söyləmir.

“Mən rüzumu Allahdan istiyirəm. Xalqın imkanına uyğun hərəkət etməliyik. Bir balaca sıxıntı varsa, onu gərək hamımız çəkək, hər şey qaydasına düşənə qədər. Digər müğənnilərin qiymətləri qaldırması ilə də razı deyiləm. Biz bu vətənin övladlayırıqsa belə günlərdə bir olmalıyıq".


Nadir Bayramlı - müğənni

İfaçı Elariz Məmmədoğlu qiymətləri qaldırmaqdan ehtiyat edir.

“Hələ ki qiymətləri qaldırmağa çəkinirəm. Dəqiq vaxt deyə bilmərəm. Onsuzda toylar azdı. Müştəri ilə anlaşıb ortaq məxrəcə gədərik."


Elariz Məmmədoğlu - müğənni


İfaçı Manaf Ağayev indi qiymətlərdə dəyişiklik etmədiyinid desə də, gələcəkdə toy qiymətlərini artıracağını istisna etməyib. Onun sözlərinə görə, artıq götürdüyü toyları köhnə qiymət ilə gedəcək, gələcəkdə isə dəyişə bilər.


Manaf Ağayev - müğənni


Araşdırmadan belə nəticəyə gəlmək olar ki, müğənnilər də, digər sahələrdə olduğu kimi toy qiymətlərində dəyişiklik edəcəklər. Onlar da ölkədə dolların bahalaşdığını əsas gətirərək , bundan sonra toy sahiblərinə daha yüksək məbləğ təklif edəcəklər. Əhalinin dəyişən qiymətlər fonunda onları öz toylarına dəvət edib -etməyəcəyini isə zaman göstərəcək.

Tags:  Müğənnilər toy qiymətlərini artırdı FOTO

RƏYLƏR


Top news