“Akademiya institutlarının direktorları cavanlar, gənclər olmalıdır. Gec, yaxud tez Akademiyanın institutlarının rəhbərliyində gənc alimlər olmalıdır”. APA-nın xəbərinə görə, bunu Azərbaycan Milli Elmlər Akademiyasının (AMEA) prezidenti, akademik Akif Əlizadə AMEA Rəyasət Heyətinin bu gün keçirilən iclasında deyib.
O bildirib ki, AMEA-nın Nəbatat bağında xoşagəlməz hadisələr baş verir: “Nəbatat bağında elmi işlərə aid olmayan kənar məsələlər tamamilə yığışdırılmalıdır”.
