Aktual mövzular: Dollar alış-satışı , Hava haqqında, Məzənnə, Neftin qiyməti

Musiqili Teatrın aktrisası xeyriyyə konserti verəcək

Musiqili Teatrın aktrisası xeyriyyə konserti verəcək

Date: 23 December 2015 19:17

Azərbaycan Dövlət Musiqili Teatrının aktrisası Ülviyyə Əliyeva xeyriyyə konserti verəcək. Teatrın mətbuat xidmətinin rəhbəri Samir Sədaqətoğlu Milli.Az-a bildirib ki, 30 dekabr 2015-ci il tarixdə baş tutacaq konsert proqramı Milli Onkologiya Mərkəzinin Uşaq Klinikasında keçiriləcək. 31 Dekabr Dünya Azərbaycanlılarının Həmrəylik Günü və Yeni İl Bayramı - 2016-cı ilin gəlişi münasibətilə təşkil olunan xeyriyyə konsertində Qar qızın xüsusi hədiyyələri olacaq. Qar qız obrazını isə hamının "Keyxanım" kimi tanıyıb sevdiyi istedadlı və gənc aktrisa, konsertin təşkilatçısı Ülviyyə Əliyeva canlandıracaq. "Hansısa bayramda, əziz gündə kimisə sevindirmək, şadlandırmaq çox savab bir işdir. Milli Onkologiya Mərkəzinin Uşaq Klinikası elə bir yerdi ki, orda olanların qayğıya, diqqətə daha çox ehtiyacı var. Yəni bu cür ağır xəstəliyin pəncəsində olanları yad etmək, onları sevindirmək, bir-iki saatlığa olsa belə, ağrılarını unutmağa yardımçı olmaqdan böyük, savab iş varmı?" - deyə Ülviyyə Əliyeva bildirib.

Konsert proqramında Şaxta baba, klounlar, nağıl personajlarının iştirakı ilə maraqlı səhnəciklər nümayiş olunacaq və klinikada xəstə yatan bütün uşaqlara sürprizlərlə dolu hədiyyələr təqdim ediləcək.

Qeyd edək ki, bu, Ülviyyə Əliyevanın ilk xeyriyyə konserti deyil. O, ötən ay - 10 noyabr tarixində Azərbaycan Respublikasının Dövlət Bayrağı Günü və Konstitutsiya Günü münasibətilə elə Milli Onkologiya Mərkəzinin Uşaq Klinikasında konsert proqramı ilə çıxış edib.

Milli.Az


Tags:  Musiqili Teatrın aktrisası xeyriyyə konserti verəcək


RƏYLƏR


Top news