Sumqayıt, 24 dekabr, AZƏRTAC
Sumqayıtda general Cəmşid Naxçıvanskinin anadan olmasının 120 illiyi münasibətilə S. Rüstəmov və Ə. Bakıxanov adına uşaq incəsənət məktəblərində silsilə tədbirlər keçirilib.
Sumqayıt şəhər Mədəniyyət və Turizm İdarəsinin mətbuat xidmətindən AZƏRTAC –a bildirilib ki, hər iki incəsənət məktəbində keçirilən tədbirdə generalın həyatı və fəaliyyəti haqqında ətraflı məlumat verilib.
Sonra hər iki məktəbin müəllim və şagirdləri geniş konsert proqramı ilə çıxış edib.
