Ağcbədi rayonunda ölümlə nəticələnən ağır yol nəqliyyat hadisəsi baş verib. ANS PRESS-in FHN mətbuat mərkəzinə istinadən verdiyi xəbərə görə, bu barədə Fövqəladə Hallar Nazirliyinin Böhran Vəziyyətlərində İdarəetmə Mərkəzinə məlumat daxil olub.
Qəza, Ağcabədi rayonunda, Ağcabədi-Zərdab yolunun 7-ci kilometrliyində "SAİPA" markalı minik avtomobili ilə “MTD” markalı traktorun toqquşması nəticəsində meydana gəlib.
Qəza nəticəsində minik avtomobilinin sərnişini 1975-ci il təvəllüdlü Vəzirov Umud Ağasən oğlu aldığı bədən xəsarətlərindən hadisə yerində dünyasını dəyişib. Mərhumun cəsədi deformasiyaya uğramış avtomobildə sıxılmış vəziyyətdə qalıb.
Hadisə yerinə dərhal Fövqəladə Hallar Nazirliyinin yanğınsöndürən-xilasediciləri cəlb olunub. Xilasedicilər vətəndaşın cəsədini avtomobildən çıxararaq aidiyyəti üzrə təhvil veriblər.